तीन दिने (माघ १०, ११ र १२ गते) एघारौं राष्ट्रिय सिभिल इन्जिनियरिङ प्रदर्शनी तथा प्रतियोगिता सम्पन्न भएको छ।
प्रतियोगितामा फोटोग्राफी, क्विज, ट्रेजर हण्ट, पेपर ब्रिज कम्पिटिसन, पेपर प्रिजेन्टेसन,मिक्स डिजाइन कम्पिटिसन, सर्भेइङ च्यालेन्ज, मोडल कम्पिटिसन, ओलमपियाड गरी ९ विधामा विद्यार्थीहरुबीच प्रतिस्पर्धा भएको थियो।
उक्त प्रर्दशनीमा नेपाल इन्जिनियर्स एशोसिएसनका सदस्यलगायत प्राध्यापक, इन्जिनियर र विद्यार्थीको सहभागिता थियो।
प्रदर्शनी समापन अवसरमा प्रतियोगिताका विजेता र उपविजेतालाई वृज सिमेन्टका सेल्स म्यानेजर सुरेश जयसवालले वृज सिमेन्ट ट्रफी प्रदान गरेका थिए।
उक्त कार्यक्रम नेपाल इन्जिनियरिङ क्याम्पस पुल्चोकको प्राङ्गणमा आयोजना गरिएको थियो। कार्यक्रम सिभिल इन्जिनियर विद्यार्थी समाज नेपाल, सिभिल इन्जिनियरिङ केन्द्रिय क्याम्पस पुल्चोकको आयोजनामा ‘राष्ट्रका लागि परिवर्तन र परिवर्तन लागि इन्जिनियरिङ’ नारासहित ३ दिनसम्म चलेको थियो।
वृज सिमेन्ट इण्डष्ट्रीज लिकेडिया अर्गनाईजेशन अन्तर्गत एउटा प्रभाग हो। यो कम्पनी भैरहवा–लुम्बिनी (रुपन्देही जिल्ला) मा अवस्थित छ।