सनफ्लो सनफ्लावर तेल ‘सनफ्लोमा पकाऔं मीठो परिकार, साथमा पाऔं हिराको हार उपहार’ योजनाअन्तर्गत दोस्रो लक्की ड्र कार्यक्रमका विजेतालाई हिराको हार र हिराका अन्य उपहार हस्तान्तरण गरिएको छ।
नेपालगंज त्रिभुवन चोक निवासी पूजा कुमारी बैंशले हिराको हार र जनकपुर रमानन्द चोक निवासी राम विनोद रायलाई हिराको लकेट हस्तान्तरण गरिएको छ। त्यसैगरी, काठमाडौं निवासी हरि प्रसाद पराजुली र मोरङ पथरी निवासी दुर्गा माया पोखरेललाई हिराको टप हस्तान्तरण गरिएको छ।
यी विजेताहरुको नाम गत हप्ता बुधबार इमेज च्यानलमा प्रत्यक्ष प्रसारण घोषणा गरिएको थियो।
केएलदुगड समूहअन्तर्गतको स्वस्तिक आयल इन्डष्ट्रिज प्रालीले आफ्नो उत्पादन सनफ्लो सनफ्लावर तेलमा आकर्षक हिराको हार र हिराको सेट जित्ने अफर संचालनमा ल्याएको हो। यो योजना २३ अक्टुबर २०१९ देखि शुरु भई सीमित अवधिका लागि लागु गरिने कम्पनीले जनाएको छ।
यो योजनामा सहभागी हुन उपभोक्ताहरुले आधा लिटर वा १ लिटरको सनफ्लो सनफ्लावर तेलको प्याकेट खरिद गर्नुपर्छ।प्याकेटमा भएको १० अंकको नम्बर टाइप गरी ३१००८ मा एसएमएस पठाउनु पर्छ। लक्की ड्र मार्फत १ जना विजेताले हिराको हार, २ जना विजेताले हिराको टप र २ जना विजेताले हिराको लकेट जित्न सक्नेछन्।
एकजना विजेताले बम्पर लक्की ड्र मार्फत योजनाको अन्तिममा हिराको नेकलेस सेट जित्न सक्ने कम्पनीले बताएको छ।
