काठमाडौं महानगरपालिकाले आगामि आर्थिक वर्ष २०६६÷६७ को लागि बजेट सार्वजनिक गरेको छ।
महानगरपालिकाले १५ अर्ब ५० करोड ७० लाख १२ हजारको बजेट प्रस्तुत गरेको हो।जसमा सबैभन्दा बढी भौतिक पूर्वाधार विकास कार्यक्रममा बिनियोजन गरेको छ।
महानगरपालिकाले विषयगत क्षेत्र अन्तर्गत भौतिक पूर्वाधार विकास कार्यक्रमको लागि ५ अर्ब ३१ करोड ५० खर्च गर्ने अनुमान गरेको छ।
यस्तै, सामाजिक विकास कार्यक्रमको लागि १ अर्ब ५२ करोड १५ लाख ९० हजार बजेट छुट्याएको छ।
यस्तै, महानगरपालिकाले शिक्षामा १ अर्ब ३४ करोड ९० लाख ५० हजार, सम्पदा तथा पर्यटनमा प्रवद्धनमा ६७ करोड ३९ लाख, हनुमान ढोका दरबार क्षेत्र संरक्षणको लागि ५४ करोड ७९ लाख, वातावरण तथा उद्यान व्यवस्थापन कार्यक्रमको लागि ३१ करोड ८५ लाख तथा शहरी योजना सम्बन्धी कार्यक्रमको लागि २९ करोड ३५ लाख बजेट बिनियोजन गरेको छ ।