राष्ट्रिय गौरवका आयोजनाको काम सुस्त भएको अर्थमन्त्री डा. युवराज खतिवडाले बताएका छन्।
राष्ट्रिय गौरवका आयोजनको निर्माण विधि पनि अन्य आयोजना जस्तै भएकाले काम सुस्त भएको उनको भनाइ छ। मंगलबार प्रतिनिधी सभामा सम्बोधनका क्रममा सांसदले सोधका प्रश्नको जवाफ दिँदै अर्थमन्त्री खतिवडाले राष्ट्रिय गौरवका आयोजनाले अपेक्षा अनुसार सफलता प्रप्त गर्न नसकेको बताएका हुन्।
‘यसले छुट्टै र विशेष प्रकारको सफलता हासिल गर्न सकेन,’ राष्ट्रिय गौरवका आयोजना प्रति संकेत गर्दै अर्थमन्त्री खतिवडाले भने, ‘अरु साधानरण आयोजनाले भोग्ने समस्या, जस्तै निर्माण सामाग्रिको अभाव, ठेक्का पट्टाको समस्या, स्थानीय अवरोध तथा खरिद सम्बन्धी अन्य समस्याहरु राष्ट्रिय गौरवको आयोजनामा पनि पर्दै गयो।’
उनले फास्ट ट्याकबाट यस्ता आयोजनाको कार्यन्वयनमा गएर अहिले देखिएका समस्या समाधान गर्न सकिने विकल्प पनि प्रस्तुत गरे। ठूला पूर्वाधार अयोजनालाई कार्यन्वयन गर्ने सम्बन्धी विधेयको सस्यौदा संसदमा प्रस्तुत भएको सम्झना गर्दै अर्थमन्त्रीले राष्ट्रिय गौरवका आयोजना उक्त विधिबाट कार्यान्वय गरे अपेक्षित नतिजा निकाल्न सकिने बताए।
नेपाल सरकारले आर्थिक वर्ष २०६८÷६९ देखि विभिन्न दृष्ट्रिले महत्वपूर्ण देखिएका आयोजनालाई राष्ट्रिय गौरवका आयोजनाको रुपमा सूचीकृत गरेको थियो।
त्यतिबेला १७ वटा आयोजना उक्त सूचीमा समावेश गरिएको थियो । आर्थिक वर्ष २०७०÷७१ देखि भने थप ४ आयोजना उक्त सूचीमा थप गरि २१ पुगेक थिए।