पछिल्लो समय भारतको भन्सार विभागले ५ सयभन्दा बढी चिनियाँ समानहरु जफत गरेको छ।
उनीहरुले भन्सार छली गर्ने उदेश्यले सामानको मूंल्य कम गरेको पाइएको सामान जफत गरेको विभागले जनाएको हो। भन्सार कार्यलयले अनियमितताको आरोपमा कम्पनीको गोदाममा शिलबन्दी गरेको भारतीय मिडियाले दाबी गरेका छन् ।
भारतमा कारोबार गरिरहेको दर्जनाँै चिनियाँ कम्पनीले आफ्नो सामानको मूल्य घटाएर कम कर तिरेको पाएको हो।
भन्सार विभागले यो कारबाहीले मुम्बइ कुरियर टर्मिनलमा चाइनिज इ–कमर्स इन्पोर्टमा लगाम लगाउने कोशिसको हिस्सा रहेको समेत बताइएको छ।
भन्सार विभागले कारबाही गर्न थालेपछि भन्सार छलेका समानहरु आयातकर्ता कम्पनीले उपहार भएको दाबी गरेका छन् । भारत सरकारले ५ हजार रुपैयाँ सम्मका समानमा कर छुट गरेको छ ।
मानिसहरुले उपहार आदान प्रदान गर्न सजिलो होस् भनेर यस्तो व्यवस्था गरेको हो । तर आगामी बजेटमा भने यो नियम फेरिन सक्ने भारतीय मिडियाले जनाएका छन्।
चिनियाँ इ–कमर्स फर्मले आफ्ना भारतीय ग्राहकलाई होलसेल अर्डर शिनो इन्डिया इटेल र ग्लोबमेक्स जस्ता आयातकर्ता मार्फत सामान पठाउँदै आएको छ ।
यसले गर्दा उनीहरुलाई व्यक्तिगत आयातमा लाग्ने ४२.०८ प्रतिशतको कर छुट हुन्छ । यीनै कम्पनीले आयात गरेको सामानमा भन्सार विभागले जफत गरेको हो ।