त्रिभुवन अन्तर्राष्ट्रिय विमानस्थलको आन्तरिकतर्फ पनि बेबी जोन संचालनमा आएको छ।
सुत्केरी आमाले जहाज पर्खाइको क्रममा बच्चालाई राख्न, सुताउन, दुध खुवाउन र खेलाउनका लागि झण्झट नहोस भन्ने उद्देश्यले बेबी जोन सञ्चालनमा ल्याइएको हो ।
हिमालय हर्बलको सहयोगमा स्थापना गरिएको बेबी जोनको उद्घाटन विमानस्थलका महाप्रबन्धक राजकुमार क्षेत्रीले गरेका हुन्। यस अघि नै विमानस्थलले अन्तर्राष्ट्रिय उडान तर्फ बेबी जोन सञ्चालनमा ल्याएको थियो।