प्रदेश दुईमा नयाँ उद्योगलाई आकर्षित गर्न प्रदेश सरकारले विभिन्न निर्णयहरू सार्वजनिक गरेको छ।
मन्त्रिपरिषदको आजको बैठकले उद्योग नीतिलाई उद्योगी मैत्री बनाउन प्रदेश दुईमा नयाँ उद्योग स्थापना गर्नेलाई २० वर्षसम्म कुनै कर नलिने निर्णय गरेको हो।
प्रदेश सरकारले उद्योग स्थापनाको लागि नि:शुल्क लिजमा जग्गा उपलब्ध गराउनुका साथै उद्योगको सुरक्षाको पूर्ण ग्यारेन्टी दिन उद्योग सुरक्षा बल समेत गठन गर्ने निर्णय गरेको छ।
त्यसैगरी हालको उद्योग दर्ता प्रक्रियालाई सजिलो बनाउँदै ३ घण्टाभित्रै दर्ता गरिने प्रक्रिया समेत मिलाउने निर्णय गरेको हो। यसका अतिरिक्त सहुलियत दरमा बिजुली उपलब्ध गराउन समेत पहल गर्ने निर्णय मन्त्री परिषदले गरेको हो।