सरकारले खनिज तेल र ग्यासको सम्भाव्यता अध्ययन गर्न चिनियाँ सहयोग स्वीकार गर्ने निर्णय गरेको छ। पुष २९ गते बसेको मन्त्रिपरिषद्को बैठकले उक्त निर्णय गरेको सरकारका प्रवक्ता संचार तथा सूचना प्रविधि मन्त्री गोकुल बास्कोटाले जानकारी दिए।
सरकारले नेपालमा ग्यास र तेलको सम्भाव्यता अध्ययन गर्न चीनले नेपाललाई सहयोग गर्ने सम्बन्धि यसअघि नै सैद्धान्तिक सम्झौता भएको थियो। २०७४ साउनमा यस्तो सम्झौता भएको थियो।
सोही सम्झौता कार्यान्वयन गर्नै सहयोग स्वीकार गर्न उद्योग मन्त्रालयले क्याविनेटमा प्रस्ताव लिएको थियो।
चीनको यो सहयोग लिएर खानी विभागले अन्वेषण गर्ने छ।
याेसँगै सरकारले पाल्पा र दैलेखमा ग्यास तथा खनिज तेल अन्वेषणका लागि सरकारले चिनियाँ कम्पनीलाई स्वीकृति दिएको छ । ‘इम्प्मिेन्टेशन एग्रिमेन्ट अफ चाइना एड अन आइल एण्ड ग्यास रिसोर्स सर्भे प्रोजेक्ट इन नेपाल’लाई स्वीकृति दिइएको हो । पाल्पा र दैलेखमा ग्यास तथा खनिज तेल अन्वेषणका लागि स्वीकृति दिइएको मन्त्री बाँस्कोटाले उल्लेख गरे।
