नेपालको जलविद्युत क्षेत्रमा प्राविधिक काम गर्दै आएको अन्तर्राष्ट्रिय टेक्नोलोजी समूह (एण्ड्रिज) ले एक वर्षमा थप दुई हाइड्रोपावर कम्पनी संचालनमा आउने जनाएको छ।
कम्पनीले १२.५ मेगावाटको अपरदोर्दी र १५ मेगावाटको सोलु हाइड्रो पावरको काम अन्तिम चरणमा पुगेको जानकारी दिएको छ। ति आयोजना सन् २०१९ भित्रमा सञ्चालनमा आउने उसको दावी छ।
जलविद्युत क्षेत्रका सेवाग्राहीहरुसँग अन्तक्रिया गर्नका लागि तेस्रो सेवाग्राही दिवस मनाउन एण्ड्रीजले राजधानीमा गरेको कार्यक्रममा उक्त जानकारी दिएको हो ।
सो कार्यक्रममा ऊर्जा, जलस्रोत तथा सिंचाइ मन्त्री वर्षमान पुनले एण्ड्रीजले नेपालको जलविद्युत क्षेत्रमा पुर्याएको योगदानको प्रशंसा गरे। यस संस्थाद्वारा निर्माण गरिएका हालसम्म कुल १४४ मेगावाट क्षमताका आयोजनाहरु संचालनमा छन्।
हालको समयमा एण्ड्रीजले राष्ट्रिय गौरवको आयोजना माथिल्लो तामाकोशी ४५६ मेगावाट क्षमता, मध्य भोटेकोशी १०२ मेगावाट क्षमता लगायत अन्य थुप्रै आयोजनाहरुमा सफलताका साथ कार्य गरिरहेको छ।
यस संस्थाले सम्पन्न गरेका कुलेखानी, मध्य मस्र्याङदी तथा चिलिमे जलविद्युत आयोजनाहरु एक दसक देखि नै सञ्चालनमा रहेका छन्।
