राजधानीको शंखमुलमा अवस्थित मेधावी कलेजले सन् २०१३ देखि शैक्षिक सेवा प्रदान गरिरहेको छ।
यो कलेज पोखरा विश्व विद्यालयबाट सम्बन्धन प्राप्त छ। दक्ष जनशक्ति उत्पादन गर्ने उद्देश्य सहित स्थापना गरिएको कलेजका संस्थापक प्रधानाध्यापक जयराम खनालको दाबी छ।
‘नेपालमा शिक्षित धेरै भएपनि बेरोजगारीको संख्या घटेको छैन,’ उनले भने, ‘हामी विद्यार्थीलाई नेपालमा मात्र नभई संसारको कुनैपनि कुनामा प्रतिस्पर्धा गर्न सक्ने बनाउछौँ।’
आफुहरुले कलेज स्थापना गरेको प्रतिफल विद्याथीहरुले पाइरहेको उनले बताए।
‘हामी विद्यार्थीले जुन तरिकाले बुझ्छन् त्यही अनुसार पढाउछौँ। यसैले हरेक व्याचमा हाम्रा ७-८ जाना विद्यार्थीले विश्वविद्यालय उत्कृष्ट श्रेणी ल्याइरहेका हुन्छन्’ उनले भने।
स्नातक मात्र अध्यापन गराउने मेधावी कलेजले बिबिए, बिएचएम र बिसिआइएस गरी तीनवटा कार्यक्रम संचालन गरिरहेको छ।
कलेजले बिबिए कोर्षको शुल्क ५ लाख ८० हजार निर्धारण गरेको छ। विद्यार्थीलाई किताबमा मात्र सीमित नराखी हरेक आइतबार ‘गेस्ट लेक्चर’ दिने गरेको खनालले जानकारी दिए।
‘विद्यार्थीलाई भोलिका दिनमा काम गर्दा अन्यौल नहोस् भन्ने उद्देश्यले बैंकका म्यानेजर तथा सिइओ, फाइन्यान्सिङ इन्टिच्यिुटका अनुभवी व्यक्ति, व्यापारिक घरानाका व्यक्तिबाट गेस्ट लेक्चर दिन्छौँ,’ उनले भने।
कलेजले बिएचएमको शुल्क भने ६ लाख ७५ हजार निर्धारण गरेको छ। यसमा प्राक्टिकल धेरै भएका कारण शुल्क केही महँगो जस्तो लागेको खनालले बताए।
‘बिएचएम पढ्नेलाई हामी जापनिज, फ्रेन्च र चाइनिज पढाउँछौ।
लोन्ड्री ट्रेनिङ पनि त्यही शुल्क भित्रमा पर्छ,’ उनले भने, ‘हामीले विद्यार्थीलाई बारिस्ता भन्ने कोर्ष दिएका छौँ। यो पनि सेलेबसमा छैन।विद्यार्थी आत्मनिर्भर होउन् भन्ने हाम्रो उद्देश्य हो।’
मेधावी कलेजले पढाउने बिसिआईएस ‘व्याचलर अफ कम्प्युटर इन्फरमेसन सिस्टम’ बिबिए र आईटीको समिश्रण कोर्ष रहेको खनालले बताए।
‘बिबिए पढेका विद्यार्थीलाई आइटी सम्बन्धि ज्ञान कम हुने र आईटी पढेकालाई म्यानेजमेन्टको ज्ञान कम हुने भएकाले यो कोर्षले बीचको ग्याप हटाउछ’ उनले भने।
बिसिआइएसको ४ वर्षीय कोर्ष सकेको ६ लाख ३५ हजार लाग्ने कलेजले जनाएको छ। सेलेबस बाहेकको यो कोर्षको लागि समयको मागअनुसार आइटी विज्ञद्धारा वेव डिजाइन देखि इन्टरनेट, मोवाइल एप, लगाएतका नन् क्रेडिट कोर्ष पढाईने खनालले बताए।
कलेजले विद्यार्थीलाई विभिन्न छात्रवृत्ति पनि दिने गरेको छ।
‘कुल ४८ जना विद्यार्थीमध्ये कलेजले ४३ जना मात्र भर्ना गर्छ,’ खनालले भने, ‘बाँकी विश्वविद्यालयले पठाउँछ। आफूहरुले विद्यार्थीलाई प्रोत्साहन गर्न आन्तरिक छात्रवृत्तिको व्यवस्था गरेको उनले बताए।
उनका अनुसार कलेजले ३.७ जिपिए ल्याएमा अर्को सेमेस्टरमा ५ हजार छुट, ३.८ ल्याउनेलाई १० हजार छुट, ३.९ ल्याएमा १५ हजार र ४.० ल्याएमा ‘सेमेस्टर फी’को ५० प्रतिशत छुट दिने व्यवस्था गरेको छ।
नेपाल र भारतको औद्योगिक भ्रमण पनि कलेजले गराउँछ।
विद्यार्थीको नेतृत्व क्षमता बढाउन कलेजले ‘सोसिएल क्लब’, ‘इन्टरटेन्मेन्ट क्लब’, स्पोर्ट क्लब, इन्टपेनेरसिप क्लब, फुड एण्ड बेवरेज क्लब र आईटी क्लब पनि बनाएको छ। प्रत्येक विद्यार्थी कुनै न कुनै क्लवको सदस्य हुनुपर्ने उनले जानकारी दिए।
आफ्ना विद्यार्थी संसारको कुनै पनि ठाउँमा प्रतिस्पर्धा गर्न सक्ने खनालको दाबी छ। ‘यहाँ पढाई सकेर जाने विद्यार्थीहरुले निकै राम्रो गरिरहेका छन्, त्यही नै हाम्रो उपलब्धि हो,’ उनले भने।
जुनसुकै कलेज वा विश्वविद्यालय पढेपनि केही फरक पर्दैन तर त्यो संस्थाले नयाँ कुरा केदिन्छ भन्नेमा फरक पर्ने खनालको बिचार छ। ‘बिबिए पढेकाहरुसँग बिबिए पढेकैसँग प्रतिस्पर्धा गर्ने हो तर जोसँग सिप छ त्यो अगाडि बढ्छ। विद्यार्थीले हल्लाको पछाडि कलेज छान्नु हुँदैन’ उनले भने।