दक्षिण एसिया क्षेत्रमा चरम गरिबीको न्यूनीकरणमा उल्लेख्य प्रगति भएपनि त्यसले जिवनस्तरमा अनुभुत गराउन नसकेको पाइएको छ।
विश्व बैंकको हालैको एक अध्ययन अनुसार २५ वर्षमा चरम गरिबी ३५ प्रतिशतले घटे पनि बढेको आयले बढ्दो महंगी र सुविधमा पहुँचको अभावले थिचरेको पाइएको छ।
विश्व बैंकको उक्त तथ्यांकअनुसार दक्षिण एसिया क्षेत्रका मुलुकहरुमा बसोबास गर्नेहरुमध्ये ४९ प्रतिशतले दिनको ३.२० अमेरिकी डलर आम्दानी गर्छन्। त्यस्तै ५.५० दैनिक कमाउने ८० प्रतिशत रहेका छन्। अर्थात् यो क्षेत्रमा दैनिक पाँच डरभन्दा बढी कमाउनेहरु जम्मा २० प्रतिशतमात्र रहेका छन्।
विश्वभरका ५४ प्रतिशतको कमाई दैनिक पाँच डलरमाथि रहेको छ। भने चरम गरिबीमा १० प्रतिशतमात्र रहेका छन्।
सन् २०१५ सम्मको आँकडा निकालेको विश्व बैंककले न्यून आय भएका मुलुकहरुमा दिनमा १.९० अमेरिकी डलर कमाउनेलाई गरिब मानेको छ। अन्तर्राष्ट्रिय गरिबी रेखा वा चरम गरिबी भनिने त्यस्तो गरिबी सन् २०३० सम्म ३ प्रतिशतमा झार्ने सयुक्त राष्ट्र संघको लक्ष रहेको छ।
त्यस्तै मध्यम आय भएका मुलुकहरुमा ३.२० डलर मुनी आम्दानी गर्नेलाई गरिबी मानेको छ भने उच्च आय भएका मुलुकहरुमा ५.५० डलर मुनी आम्दानी गर्नेलाई गरिबी मानिएको छ।
विश्व बैंकका अनुसार नेपालमा १५ प्रतिशत जनता चरम गरिबी अर्थात् दिनमा १.९० डलर भन्दा कम आम्दानी गर्नेहरु छन्। त्यस्तै दिनमा ३.२० आम्दानी गर्नेहरु ५० प्रतिशत रहेका छन् भने ८३ प्रतिशतले दिनमा ५ डलरभन्दा कम कमाउछन्। अर्थात् नेपालमा दैनिक पाँच डरमाथि कमाउनेहरु १७ प्रतिशतमात्र रहेका छन्।
.jpg)
