संस्कृति पर्यटन तथा नागरिक उड्डयन मन्त्रालयका सचिव कृष्णप्रसाद देवकोटाले विकासका काम ३ सिफ्टमा गर्न प्रस्ताव गरेका छन्।
मन्त्रालयको विकास समस्या समाधान समितिको बैठकमा बोल्दै उनले विकािका काम पनि १० बजेदेखि ५ बजेसम्म गर्ने काम परिवर्तन गर्नुपर्ने बताए।
‘म कर्मचारीबाट धेरै अपेक्षा त गर्दिन फाइल सदर गर्ने र निर्णय कार्यान्वन गर्ने नै हो तर विकासका काम गर्दा कम्तिमा ३ सिफ्टमा गर्ने सिस्टम बसालौं’ उनले भने।
व्यवस्थापन र निरीक्षणको काम गरिदिंदामात्र २४ घण्टा काम सम्भव हुन्छ जसको लागि सरकारी कर्मचारीले धेरै मेहनत नगरे पनि पुग्ने उनको भनाई छ।
अहिले देशले द्रुत विका माग गरेको र जनताको अपेक्षा पनि धेरै भएको र यस्तो विगतकै निरन्तरताले हुँदैन। ‘हामिले २४ घण्टा काम गर्यौ भने ३ वर्षमा सम्पन्न हुने पोखरा विमानस्थल ढिलामा २ वरेषमै सकिन्न’ उनले भने।
