काठमाडौं महानगरपालिकाले चालु आर्थिक वर्षको १० महिनामा विनियोजित बजेटको २५ प्रतिशतमात्र खर्च गरेको छ।
महानगरले नगरसभामा प्रस्तुत गरेको विवरणअनुसार चालु वर्षलाई विनियोजित १२ अर्ब ८७ करोड ८९ लाखमध्ये बैशाखसम्म ३ अर्ब ७ करोड रुपैयाँमात्र खर्च गरेको छ।
महानगरले पुँजीगततर्फ जम्मा २.८९ प्रतिशत खर्च गरेको ५ भने पारिश्रमिक र सुविधा शिर्षकमा ४५ प्रतिशत, कार्यालय संचालनमा पनि ४३ प्रतिशत खर्च भएको छ।
महानगरले पूर्वाधार सुधार तथा विकास शिर्षकमा विनियोजन गरेको बजेटको २७ प्रतिशतमात्र खर्च गर्न सफल भएको छ।
केन्द्रिय सरकारले खर्च गर्न नसकिरहेको सन्दर्भमा स्थानीय तहहरुले पनि समयमै खर्च गर्न सकेका छैनन्।