हिमालय एयरलाइन्सको एयरबस ३२० मार्फत प्रधानमन्त्री केपी शर्मा ओली ६ दिने चीन भ्रमणमा गएका छन्।
उक्त जहाज त्रिभुवन अन्तर्राष्ट्रिय विमानस्थलबाट स्थानीय समय अनुसार ९ बजे उडेको थियो भने चीनको राजधानी बेइजिङस्थित बेइजिङ क्यापिटल अन्तर्राष्ट्रिय विमानस्थलमा २ बजेर ३४ मिनेटमा आवतरण गरेको थियो।
गृहमन्त्री रामबहादुर थापा, परराष्ट्र मन्त्री प्रदीपकुमार ज्ञवाली, ऊर्जा जलस्रोत तथा सिँचाइमन्त्री वर्षमान पुन, भौतिक पूर्वाधार तथा यातायातमन्त्री रघुवीर महासेठ, प्रधानमन्त्रीका सल्लाहकार विष्णु रिमाल, श्रीमती राधिका शाक्यसहित नेपाल सरकारका उच्च अधिकारी, व्यापारी तथा सञ्चारकर्मीहरु सम्मिलित टोली भ्रमणमा गएको हो।
साथै विशेष उडानमा सहभागी अध्यक्ष आङ छिरिङ शेर्पा र हिमालय एअरलाइन्सका प्रमुख कप्तान झाउग्वोछ्याङलाई बिदाई गर्न कम्पनी प्रशासनतर्फका उपाध्यक्ष विजय श्रेष्ठ त्रिभुवनविमानस्थलमा उपस्थित भएका थिए।
सो अवसरमा श्रेष्ठले हिमालय एअरलाइन्स्ले पुनः प्रधानमन्त्री केपी शर्मा ओलीलाई चीनको औपचारिक भ्रमणका लागि िलएर उड्न पाउँदा गौरवान्भित भएको बताए।
हिमालय एअरलाइन्स्ले अन्तर्राष्ट्रिय मापदण्ड अनुरुप दोहा, क्वालालम्पुर, दुबई र दमाममा सिधा उडान भर्दै दोस्रो वर्ष सफलतापूर्वक पार गरेको छ।