रसियामा जारी विश्व कप फुटवलको अवसरमा आइएमई र आइएमई ‘पे’ले वर्ल्ड कप उत्सव योजना सार्वजनिक गरेका छन्।
आइएमई र आइएमई पेका आधिकारिक फेसबुक पेज तथा आइएमई पेको एपमार्फत यो उत्सवमा सर्वसाधारणले सहभागिता जनाउन सक्ने छन्। यो प्रतियोगिता १४ जून देखि १५ जुलाईसम्म संचालन हुने आइएमईले जनाएको छ।
सहभागीहरुले वेब पेजमा रहेको एपमा लग–इन गर्दै एक हजार प्वाईन्ट सहित प्रतिष्पर्धामा भाग लिन सक्नेछन्। प्वाइन्टका साथै म्याचको पूर्ण विवरण प्रत्येक दिन एप्लिकेसनमा पोष्ट गरिनेछ। सहभागीहरुले दर अनुसार त्यस दिनको अनुमान गर्नुपर्नेछ।
खेलको गलत अनुमान गरेमा सहभागीहरुको प्वाइन्ट काटिने छ। थप आइएमई फ्यान्टासी प्वाइन्टको सङ्कलनका लागि थप चरणहरू प्रतियोगिताको समय अवधिभित्र पेस गरिनेछ।
प्रतियोगिताको अन्त्यमा अधिक संख्याको प्वाईन्टले विजयी प्राप्त गर्नेछ। अधिक संख्या पाउने एक सेवाग्राहीले ‘खेलौं रमाऔँ बैंङ्कक जाऔँ’ अन्तर्गत एकजोडीलाई ४ रात ५ दिन लामो बैंङ्कक भ्रमणको अवसर दिइने आइएमईले जनाएको छ।
प्रत्येक दिन कम्पनीका आधिकारिक फेसबुक पेजमा सोधिएका फुटबलसँग सम्बन्धित प्रश्नको सही उत्तर दिने चार सेवाग्राहीहरू ‘लक्की–ड्र’ मार्फत छनोट हुने छन्। यसरी छनोटमा पर्नुहुने सेवाग्राहीहरूले दुई सयको आइएमई पे टपअप प्राप्त गर्नेछन्।
सहभागीहरुले प्रतियोगिताको सम्भावित नतिजा कम्तिमा निर्धारित खेल शुरु हुनुभन्दा एक घण्टा पहिला अनुमान गर्नुपर्नेछ। एक वा सो भन्दा बढी प्रतियोगिले बराबर अंक प्राप्त गरेमा ‘लक्की ड्रमार्फत ’ विजेता घोषित गरिने कम्पनलिे जनाएको छ।
थप जानकारीको लागि आइएमईको टोल फ्रि नम्बर १६६००१५१५१५ अथवा ०१–४४३०६०० सम्पर्क गर्न सकिनेछ।
