लोकप्रिय स्मार्ट फोनमा ३० प्रतिशतसम्म छुट


ललितपुरको लगनखेलस्थित ललितपुर मलको दोस्रो तल्लामा रहेको ललितपुर मोबाइल कम्प्लेक्सले चौथो एक्स्पो ललितपुर मोबाइल एक्स्पो २०७४ आयोजना गरिरहेको छ ।

कम्पनीले मोबाइल एक्स्पोको अवसर पारेर विभिन्न ब्राण्डका धेरै बिक्री हुने स्मार्ट फोनहरुमा छुट दिईरहेको छ । कम्पनीले नेपाली बजारमा सबैभन्दा लोकप्रिय र सर्वाधिक बिक्री हुने स्मार्टफोनहरुको खरिदमा ग्राहकहरुलाई विशेष छुट र सुविधा प्रदान गरिरहेको मोबाइल कम्प्लेक्सका अध्यक्ष पुरुषोत्तम बस्नेतले जानकारी दिए।

हाल बजारमा सबैभन्दा लोकप्रिय स्मार्टफोनको रुपमा रहेको ह्वावेको वाई सेभेन प्राइम, सामसङको जे सेभेन म्याक्स, जिओनीको ए वान लाइट, वानप्लसको वानप्लस ५, एचटिसीको डिजायर १० प्रो, ओप्पोको एफ थ्री, लाभाको आर वान, डिटिसीको गियर म्याक्स, कलर्स फोनको पि ८५ र आइफोन सेभेन प्लस उक्त कम्प्लेक्समा रहेका छन्। मेलाको अवसरमा कम्प्लेक्समा यी मोबाइल खरिद गर्दा कम्तिमा ५ प्रतिशतदेखि मोडलअनुसार ३० प्रतिशतसम्मको छुट प्राप्त गर्नसक्ने बस्नेतले जानकारी दिए ।

 

Share:

प्रतिकृया दिनुहोस

© 2017 Setopati Sanchar Pvt. Ltd.