८ जिबी र्‍याम भएको ‘वनप्लस ५’ बजारमा, मूल्य ५९ हजार


वनप्लसको नेपालका लागि आधिकारिक वितरक आइहब प्रालिले फल्यागसिप अन्तर्गतको ‘वनप्लस ५’ फोन सार्वजनिक गरेको छ।

५.५ इन्चको फुल एचडी डिस्प्ले रहेको फोनमा एन्ड्रोइड ७.१.१ नोगट भर्सनसहित १.९७ गिगाहर्ज अक्टाकोर क्वालकम स्न्यापड्रागन ८३५ प्रासेसर समावेश गरिएको छ।

फिंगरप्रिन्ट स्क्यानरसहित फोनमा ८ जीबीको र्याम तथा ६४ जिबी इन्टरनल मेमोरी छ। फोनमा २० मेगापिक्सेल र १६ मेगापिक्सेलका दुई रियर तथा १६ मेगापिक्सेलकै सेल्फी क्यामेरा रहेको छ।

फोनमा समावेश ड्यास चार्जरसहितको ३,३०० एमएएच ब्याट्रीले कम समयमै फुल चार्ज गर्न सकिने तथा पुरा दिनसम्म ब्याट्री टिक्ने कम्पनीको दावी छ।

मिडनाइट् ब्ल्याक र स्लेट ग्रे कलरमा उपलब्ध यस फोनको बजार मूल्य ५९ हजार ४९९ रुपैंयाँ निर्धारण गरिएको छ।

यस फोन देशभरीका रिटेल स्टोरहरुबाहेक केमूडटकम, खल्ती तथा ओलीजस्टोर डटकमबाट समेत खरिद गर्न सकिने छ।

Share:

प्रतिकृया दिनुहोस

© 2017 Setopati Sanchar Pvt. Ltd.