डेलले ल्यायो पहिलो वायरलेस चार्जिङ ल्यापटप


डेल कम्पनीले पहिलो वायरलेस चार्जिङ ल्यापटप सार्वजनिक गरेको छ। डेल ‘ल्याटिच्युड ७२८५’ मोडलको सो ल्यापटप कुनै तारको प्रयोग नगरी चार्ज गर्न सकिन्छ।

१२.३ इन्च डिस्प्लेसहित इन्टेल कोर आइफाइभ ७वाइ५४ डुअलकोर ३.६ गिगाहर्ज प्रोसेर भएको यस ल्यापटपमा ८ जीबी र्याम तथा १२८ जीबी इन्टरनल मेमोरी छ।

२२ डब्लुएच ब्याट्री भएको यस ल्यापटपमा विन्डोज १० अपेरेटिङ सिस्टम छ।

‘टु इन वन’ डिजाइनमा उपलब्ध यस ल्यापटपको किबोर्ड आफूले चाहेको बेला डिस्प्लेबाट अलग तथा पुन जोड्न सकिनेछ।

यस ल्यापटपको सुरुवाती मूल्य एक हजार एक सय डलर राखिएको छ।

तर यस सुविधाका लागि भने खरिदकर्ताले ल्यापटपसँगै वायरलेस चार्जिङ किबोर्ड तथा म्याट बेग्लै किन्नु पर्ने कम्पनीले जनाएको छ।

डिट्याचेबल वायरलेस किबोर्डका लागि भने थप २५० डलर तथा केबलफ्री वायरलेस चार्जिङ किबोर्ड म्याट्को ५५० डलर खर्च गर्नुपर्नेछ।

Share:

प्रतिकृया दिनुहोस

© 2017 Setopati Sanchar Pvt. Ltd.