ओप्पोले यही अगस्ट महिनाको अन्त्यसम्ममा आफ्नो नयाँ मोडल ‘एफनाइन’ सार्वजनिक गर्ने तयारी गरेको छ। यसमा कम्पनीले भिओओसी फ्ल्यास चार्ज, ग्राडियन्ट कलर्स तथा पृथक वाटरड्रप स्क्रिन डिजाइन समावेश गर्ने जनाएको छ।
यसको भीओओसीमा तीब्र र सुरक्षित चार्ज सुविधा उपलब्ध गराउन न्यून टेम्प्रेचर र भोल्टेजसहित, चार्जिङ एडेप्टर लगायतका ५ भिन्न सुरक्षा तहको ब्यवस्था गरिएको कम्पनीले जनाएको छ।
यी फोन ‘सनराइज रेड’, ‘ट्वाइलाइट ब्ल्यू’ र ‘स्टारी पर्पल’ गरी ३ भिन्न आकर्षक रंगमा उपलव्ध हुनेछ।
भीओओसी चार्जिङ र वाटरड्रप स्क्रिन सहितको ओप्पो एफनाइन एक नवप्रबर्तनात्मक उपकरण ्रहेको कम्पनीको दाबी छ।
‘आर्ट अफ टेक्नोलोजी’ र ‘पर्सुइट अफ परफेक्सन’का लागि ओप्पोको प्रतिबद्धतालाई निरन्तरता दिँदै एफनाइनले प्रयोगकर्तालाई पहिलो प्राथमिकतामा राखेको कम्पनीले जनाएको छ।
