ग्रामिण क्षेत्रमा शाखा विस्तारको क्रममा जनता बैंकले रोल्पा जिल्लाको थवाङमा शाखा कार्यालय संचालन गरेको छ।
थवाङ गाउँपालिका वडा नं. २ स्थित शाखाबाट कारोवार थालिएको बैंकले जनाएको छ। रोल्पामा लिवाङपछि जनता बैंकको यो दोस्रो शाखा हो। सोही जिल्लामा अन्य २ शाखाहरु पनि खुल्ने क्रममा रहेको बैंकले जनाएको छ।
बैंकका अनुसार थवाङ गाउँपालिकाको सरकारी कारोवार समेत यो शाखाबाट हुने छ भने स्थानीय उद्यमी, व्यापारी तथा सर्वसाधारणले बैंकिङ्ग सुविधाका साथै रेमिट्यान्सको सेवा पाउने छन्।
रोल्पा जिल्लाको यस विकट गाउँपालिकामा बैंकिङ पहुँच पुगेपछि सर्वसाधारणको आर्थिक क्रियाकलापमा सहयोग पुग्ने बैंकको विश्वास छ।
योसँगै जनता बैंकको देशभर शाखा सञ्जाल ११७ पुगेको छ। ४० शाखा रहित बैंकिङ्ग सेवा, २ सिमित बैंकिङ्ग ईकाइ, २ एक्सटेन्सन काउन्टर र ६९ एटिएम संचालनमा छन्।
