हस्पिटालिटी क्षेत्रमा आठ वर्षदेखि उत्कृष्ट सेवा दिँदै आएको होटल मिस्टिक माउण्टेनले आफ्नो सेवा पोखरामा सुरू गरेको छ।
यसअघि नगरकोटबाट सेवा दिइरहेको होटल मिस्टिक माउण्टेनलाई हिली भ्याली प्रालिले फ्रेन्चाइजका रूपमा पर्यटकीय राजधानी पोखरामा ल्याएको हो।
फेवाताल छेउमा अवस्थित होटलबाट पोखराका रमणीय क्षेत्रहरूको दृश्यावलोकन गर्न पाइन्छ।
प्राकृतिक हरियाली र स्वच्छ वातावरणमा बस्न चाहने पाहुनाका लागि होटल उपयुक्त रहेको होटल मिस्टिक माउण्टेनका सेल्स एण्ड मार्केटिङ म्यानेजर अमिता श्रेष्ठले बताइन्।
विशेषगरी पोखरा आउने पर्यटकहरू प्रकृतिसँग रम्न आउने भएकाले त्यसलाई मध्यनजर गर्दै पोखराको सेदीमा होटल सञ्चालनमा ल्याएको उनले बताइन्।
नगरकोटमा उत्कृष्ट सेवा दिँदै आएको होटलले पोखरा जस्तो पहिलो रोजाइको गन्तव्यमा सेवा दिन पाउनु आफूहरूका लागि खुसी र गौरवको कुरा भएको श्रेष्ठले बताइन्।
उक्त चारतारे सुविधायुक्त होटलमा पाहुनाका लागि सराङकोटसम्म जानका लागि केवलकारको सुविधा, जिमहल, स्टिम, साउना, कन्फरेन्स हल, स्वीमिङ पुल लगायतको सुविधा छन्।
पर्यटकीय लेकसाइडमा सुरू भएको मिस्टिक माउण्टेनमा हाल ६० वटा स्वीट रूमहरू छन्।
-1746009348.jpg)
