टुसाल मल्टी भेन्युको हेल्थ क्लबमा वार्षिक ग्राहक बन्दा ४० प्रतिशतसम्म छुट पाइने भएको छ।
सञ्चालनको दाेस्राे वर्ष पुरा गरी तेस्रो वर्षमा प्रवेश गरेको उपलक्ष्यमा कम्पनीले हेल्थ क्लबमा ४० प्रतिशतसम्म छुट दिएको हो।
उक्त छुट सुविधा एक महिनाभर मात्रै लागु हुने मल्टी भेन्युका महा–प्रबन्धक प्रविन बस्नेतले जानकारी दिए।
प्रविनका अनुसार हाल यहाँ रात बिताउने सुविधा छैन। ग्राहकले माग गरेबमोजिम आगामी वर्ष बस्ने सुविधा पनि थप गर्ने योजना बनिरहेको छ।
‘धेरै ग्राहकले बस्ने सुविधा खोजेका छन्,’ उनले भने, ‘हामी त्यसको पनि योजना बनाइरहेका छौं।’
तारकेश्वर नगरपालिका–८, मनमैजुमा, बालाजु बाइपासबाट दुई किलोमिटरबाहिर छ टुसाल मल्टी–भेन्यु।
एकै ठाउँमा धेरै प्रकारका सुविधा पाइने भएकाले नाममा ‘मल्टी–भेन्युु’ जोडिएको हो।
यहाँ हेल्थ क्लब (जिम, कार्डियो, सउना, स्टिम, ज्याकुजी र स्पा), स्विमिङ पुलका साथै सुविधायुक्त रेस्टुरेन्ट र बारको सुविधा छ।
साथै, बैठक र पारिवारिक तथा सामाजिक समारोहका लागि सेवा उपलब्ध छ।
1687794658.jpg)
