नेपाल आयल निगमको ५४औं वार्षिकोत्सवको अवसरमा आयोजिन रक्तदान कार्यक्रम सम्पन्न भएको छ।
निगमले मंगलबार केन्द्रीय कार्यालय, टेकुमा नेपाल रेडक्रस सोसाइटी र रक्त सञ्चार सेवा, ताहाचलको प्रविधिक सहयोगमा रक्तदान कार्यक्रम गरेको थियो।
कार्यक्रममा निगमका पूर्व कर्मचारी, हाल कार्यरत कर्मचारी तथा तिनका परिवार र निगमसँग सम्बद्ध अन्य व्यक्तिहरू गरी एक सय ५१ जना रक्तदाताहरूले रक्तदान गरेको निगमले जानकारी दिएको छ।
रक्तदान कार्यक्रमको उद्घाटन निगमका नायव कार्यकारी निर्देशक ई. बीरेन्द्र गोईतले गरेका थिए।
निगमले विगत एक दशक अगाडिदेखि नै प्रत्येक वार्षिकोत्सवको अवसरमा रक्तदान कार्यक्रम आयोजना गर्दै आएको छ।
