गोल्डस्टार सुजले भूकम्प पीडितलाई जुत्ता तथा चप्पल सहयोग गरेको छ।
कात्तिक १७ गते जाजगरकोट केन्द्रबिन्दू बनाइ गएको भूकम्पमा परेका पीडितहरूका लागि गोल्डस्टारले ३५ लाख ६८ हजार १५० रूपैयाँ बराबरको १० हजार २२ थान जुत्ता चप्पल सहयोग गरेको हो।
जाजरकोट तथा रूकुम-पश्चिमका भूकम्प पीडितलाई सहयोग गरेको बताउँदै थप सहयोग गर्न पनि तयार रहेको गोल्ड स्टार सुजकी निर्देशक विदुषी राणाले बताइन्।
सन् १०९० मा स्थापित किरण सुज म्यानुफ्याक्चर अन्तर्गतको गोल्डस्टार नेपालको जुत्ता उत्पादन गर्ने कम्पनी हो। गोल्डस्टारले बजारको मागसँगै आफूलाई समायोजन गर्दै फेसन ब्रान्डका रूपमा स्थापित गरेको छ।
हालै मात्र कम्पनीले प्रिमियम तथा उच्च गुणस्तरका जुत्ताहरूको विशेष श्रृंखला सुरू गरेको छ।
