नेपालको डिजिटल वालेट आइएमई पेले एयरलाइन्स टिकट खरिद गर्दा प्रोमो कोडको प्रयोगमार्फत् पाँच सय रुपैयाँ क्यासब्याक प्रदान गर्ने अफर सार्वजनिक गरेको छ।
यस अफरअन्तर्गत सेवाग्राहीले आइएमई पे मार्फत् पहिलो पटक टिकट खरिद गर्दा 'फ्लाइ आइएमई' प्रोमो कोड प्रयोग गरी पाँच सय रुपैयाँ क्यासब्याक प्राप्त गर्न सक्नेछन्।
सेवाग्राहीहरूलाई विद्युतीय भुक्तानी माध्यममार्फत सहजै एयरलाइन्स टिकट काट्न प्रोत्साहन गर्ने उद्देश्यका साथ ल्याइएको यो अफर भदौ २४ गतेदेखि सुरू भएको छ र पहिलो एक हजार योग्य सेवाग्राहीलाई प्रदान गरिनेछ।
यो अफर पहिलो पटक एयरलाइन्स टिकट काट्ने सेवाग्राहीहरूलाई सीमित अवधिको लागि रहेको कम्पनीको भनाइ छ।
