आइएफबीका नयाँ फ्रिज नेपाली बजारमा भित्र्याएको छ।
घरायसी सामानहरू उत्पादन गर्ने आइएफबी ब्रान्डका सामानहरू बिक्री वितरण गर्दै आएको द सागतानी एक्जिम प्रालीले नयाँ मोडलका फ्रिज भित्र्याएको हो।
एफआइ फ्रोस्ट फ्री र डाइरेक्ट डिसी कुल गरी दुई किसिमका १० वटा नयाँ मोडेलका फ्रिज शुक्रबार नेपाली बजारमा सार्वजनिक गरिएको हो।
नयाँ मोडलका फ्रिजहरू ३२ हजार ९ सयदेखि ७२ हजार ९ सयसम्म पर्ने सागतानी एक्जिम प्रालीले जनाएको छ।
फ्रिजहरूमा कपर इन्फ्युज्ड डुअल कन्ट्रोल टेक्नोलोजी, ३६० डिग्री सराउण्ड कुलिङ ७–इन १ कन्भर्टेबल डोर अलार्म एप बेस्ड कन्ट्रोल स्मार्ट लाइट डिओडोराइजर स्मार्ट कन्ट्रोल प्यानल र एन्टी ब्याक्टेरियल जस्ता अत्याधुनिक सुविधाहरू रहेको बताइएको छ।
फ्रिज कम्प्रेसरमा १० वर्षको वारेन्टी र १ वर्षभरी सेवा सुविधा दिइने कम्पनीले उल्लेख गरेको छ।
सागतानी एक्जिम प्रालीका अध्यक्ष विनोद सागतानीले अब गुणस्तरीय सामान खोज्ने ग्राहकको चाहना पूरा गर्ने बताए।
उनले यी फ्रिजहरू देशभरका २०० डिलरबाट ग्राहकले खरिद गर्न सक्ने बताए।
