नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रलाई कर्जा दुरूपयोगको दोष नलगाउन सरकार तथा सरोकारवालाहरूको ध्यानाकर्षण गराएका छन्।
कर्जा विस्तारको तुलनामा आर्थिक वृद्धि कम हुनुको एउटा कारण कर्जा सोही प्रयोग नहुनु हो भन्ने सरोकारवालाको टिप्पणीमा जवाफ दिँदै अध्यक्ष ढकालले निजी क्षेत्रलाई मात्र दोष दिन नमिल्ने बताए।
’सबै क्षेत्रबाट कमी-कमजोरी भएको हो। सबै मिलेर समस्या समाधान गर्न आवश्यक छ,’ महासंघको वर्तमान कार्यकारिणी समितिले सय दिन पूरा गरेको अवसरमा बिहीबार आयोजित कार्यक्रममा अध्यक्ष ढकालले भने, 'हालको अवस्थामा समस्यामा रहेका व्यवसायीलाई मात्र सरकारले दोष लगाउन मिल्दैन।'
निजी क्षेत्रलाई आफ्नो ऋण व्यवस्थापन निम्ति समय दिन आवश्यक भएको अध्यक्ष ढकालले बताए।
महासंघका वरिष्ठ उपाध्यक्ष अञ्जन श्रेष्ठले सरकार तथा नेपाल राष्ट्र बैंकबाट निजी क्षेत्रको माग सम्बोधन हुन नसकेको गुनासो गरे। आर्थिक नीति तथा मौद्रिक नीतिमा निजी क्षेत्रको माग नसमेटिएको उनको भनाइ छ।
.jpg1601279619.jpg)
