रिद्धिसिद्धि सिमेन्टले मकवानपुरलाई लक्षित 'मकवानपुर स्मार्ट स्टुडेन्ट अफ द इयर २०८०' नामक छात्रवृत्ति कार्यक्रम ल्याएको छ।
यस छात्रवृत्तिअन्तर्गत २०७९ सालको एसइईमा मकवानपुरबाट परीक्षामा सम्मिलित भई उत्तीर्ण विद्यार्थीलाई लक्षित उक्त कार्यक्रम ल्याइएको कम्पनीले जानकारी दिएको छ।
एसइईको नतिजामा ३.६ जिपीएदेखि ४ जिपीए ल्याउने विद्यार्थी छात्रवृत्तिका लागि आवदेन दिन योग्य मानिने कम्पनीको भनाइ छ।
छात्रवृत्तिअन्तर्गत पहिलो, दोस्रो र तेस्रो हुने विद्यार्थीलाई कम्पनीले मासिक ५ हजार, ३ हजार ५००, २ हजार ५०० रुपैयाँ र थप ८ विद्यार्थीलाई मासिक रूपमा १ हजार ५०० रुपैयाँ सान्त्वना पुरस्कार एक वर्षसम्म उपलब्ध गराउनेछ।
आवेदकले साउन २१ गतेसम्म फारम बुझाउन सक्नेछन्।
