विराटनगरमा महिन्द्रा पावरोल डिजेल जेनेरेटरको डिलरशिप उद्घाटन भएको छ।
नेपालका लागि महिन्द्राको आधिकारिक बिक्रेता अग्नी ग्रुपमार्फत् विराटनगरमा एमएस प्याक्टले उक्त जेनेरेटरको बिक्री वितरण सुरू गरेको हो।
अग्नि ग्रुपले महिन्द्रा युटिलिटी भेहिकल, ट्रयाक्टर तथा इलेक्ट्रिक सवारीसाधनहरूको आयात तथा बिक्री गर्छ।
नेपालका लागि अग्नी ग्रुपका म्यानेजिङ डाइरेक्टर क्याबिनेट श्रेष्ठले महिन्द्रा पावरोल जेनेरेटरको विराटनगरस्थित बिक्री कक्षको उद्घाटन गरेका हुन्।
उद्घाटन गर्दै श्रेष्ठले महिन्द्रा जेनेरेटर उद्योगमा अग्रणी रहेको र सबैको रोजाइमा रहेको बताए।
'ग्राहकको उत्कृष्ट रोजाइमा परेकै कारण छोटो समयमा देशभरी बिक्री कक्ष विस्तार गर्दै विराटनगर आइपुगेका छौं, श्रेष्ठले भने 'यस बिक्री कक्षमा ग्राहकको चाहनाअनुसार विभिन्न क्षमताका जेनेरेटर उपलब्ध छन्। जेनेरेटर बिक्री गर्नु मात्रै होइन। त्यसपछि आउने समस्याको समाधान तत्कालै गर्न सक्नु पनि महत्वपूर्ण कुरा हो।'
जेनेरेटर बिक्रीपछि मर्मतका साथै पार्टपुर्जा सहजै उपलब्ध गराउँदै २४ सै घण्टा सेवा प्रदान गर्ने भएकाले पनि ग्राहकको रोजाइमा पर्न सकेको श्रेष्ठले बताए।
महिन्द्रा पावरोल डिजल जेनेरेटरले कम ध्वनि प्रदूषण गर्ने र अधिक इन्धन बचत बताइएको छ। महिन्द्रा पावरोल जेनेरेटरहरू नेपालमा ५ केभिएदेखि ६२५ केभिएसम्मका २८ वटा मोडलमा उपलब्ध रहेको बताइएको छ।
