काठमाडौंको नक्सालमा रहेको होटल मेरियट काठमाडौंले रात्रिकालीन 'अन्डरग्राउन्ड ग्यारेज पार्टी' गर्ने भएको छ।
आगामी शुक्रबार हुने पार्टीमा सहभागीले रात्रिकालीन जीवनका दृश्यहरूको मज्जा लिन सक्ने होटलले जनाएको छ। सहभागीहरूका लागि यो पार्टी नौलो हुने होटलको भनाइ छ।
कार्यक्रममा देशका चर्चित डिजेहरूको प्रस्तुति रहने र यस किसिमको रात्रिकालीन पार्टी यसअघि नभएको समेत होटलको दाबी छ। होटलका अनुसार 'बिपिएम', 'वाइएनजेडएन', 'ओ मान्शी' लगायत डिजेहरूले कार्यक्रममा मनोरञ्जन दिलाउने छन्।
होटलले विभिन्न किसिमका पेय पदार्थको सम्मिश्रणमार्फत ककटेल स्वाद समेत दिलाउने बताएको छ।
होटलका क्लस्टर जनरल म्यानेजर विशाल मेहराले यव रात्रिकालीन पार्टी अविस्मरणीय हुने बताए।
उनले भने, 'हामी हाम्रा पाहुनाहरूलाई नौलो तथा अद्भूत अनुभूति प्रदान गर्न प्रतिबद्ध छौं।'
पार्टीमा सहभागिताका लागि सीमित टिकट रहेको होटलले जनाएको छ। प्रतिव्यक्ति नौ सय ९९ रूपैयाँमा टिकट बुक गर्न सकिन्छ। उक्त शुल्कमा एउटा बियर पनि उपलब्ध हुनेछ।
साथै होटलले भिआइपी प्याकेज समेत उपलब्ध गराएको छ। यो ७५ हजार रूपैयाँबाट सुरू हुन्छ जसमा ६ जना ग्राहक सहभागी हुन सक्नेछन्।
टिकट बुक गर्नका लागि ९८०१२२८९९२ मा फोन तथा milan.magar@marriott.com मा इमेल गर्न सकिनेछ।
