२५औं एसियन एथ्लेटिक्स च्याम्पियनसीपमा सहभागी खेलाडीहरूलाई शिवम् सिमेन्टले प्रायोजन गर्ने भएको छ।
असार २७ गतेदेखि साउन १ गतेसम्म थाइल्याण्डको पटैयामा सञ्चालन हुन लागेको २५ औं एसियन एथ्लेटिक्स च्याम्पियनसीपमा सहभागी खेलाडीहरूलाई शिवम् सिमेन्टले प्रायोजन गर्ने भएको हो।
च्याम्पियनसीपमा नेपालबाट विभिन्न विधाहरूमा सहभागी जनाउने खेलाडीहरू आयुष कुँवर, शिवराज पारकी, फुलमती राना, राजपुरा पच्ची, मुकेशबहादुर पल, सोमबहादुर कुमाल र दिपक अधिकारी गरी ७ जना खेलाडी सहभागी हुन लागेका हुन्।
यीनै ७ जना खेलाडीहरूलाई शिवम् सिमेन्टले प्रायोजन गर्ने भएको हो।
उक्त एथ्लेटिक्समा सहभागी खेलाडीहरूले राष्ट्रिय तथा अन्तर्राष्ट्रिय खेल च्याम्पियन सीपहरूमा विभिन्न पदकहरू हाँसिल गरी सकेका बताइएको छ।
एसियन एथ्लेटिक्स एसोसियसनले हरेक २ वर्षमा आयोजना गर्ने एसियन एथ्लेटिक्स च्याम्पियनसीप अघिल्लो पटक चीनमा हुने भनिएको खेल कोभिड–१९ का कारण रद्द भएको थियो।
उक्त खेलमा एसियाका विभिन्न ३७ देशहरुबाट खेलाडीहरूले सहभागी जनाउने छन्।
