राइड सेयरिङ एवम् फुड डेलिभरी कम्पनी पठाओ नेपालले आयोजना गरेको 'पठाओ फुड फेस्ट २०२३' सम्पन्न भएको छ।
फुड फेस्टको २१ दिनको अवधिमा डेढ लाखभन्दा बढी अर्डर डेलिभरी गरेको पठाओ नेपालका प्रवक्ता शशांक शमशेर थापाले बताए।
'अब भान्सामा ताला लगाउँदा हुन्छ' भन्ने नारासहित कम्पनीले गत जेठ २७ गतेदेखि असार १५ गतेसम्म फुड फेस्ट आयोजना गरेको थियो।
फुड फेस्टमा फ्राइज किन्दा बर्गर फ्री, चिउरा किन्दा छोइला फ्री लगायतका सोच्नै नसकिने १ रुपैयाँका धेरै अफरहरू, हरेक दिन फ्ल्यास सेल्स तथा रेस्टुरा अर्डरहरूमा ८०५ रूपैयाँसम्मको छुट जस्ता अफरहरू दिइएको थियो।
पठाओमा सो अवधिमा फुड अर्डर गर्नेमध्येबाट साप्ताहिक लक्की ड्रमा सिवन ग्रेस महर्जन, आदेश खड्का र पुनम कोइरालाले वानप्लसको नोट एन २० एसई मोबाइल जितेका छन्।
यस्तै सञ्जु जोशी, निश्चल त्रिताल र रोहेर प्रधानले गितार शपबाट गितार जितेका छन्।
कम्पनीका अनुसार, बम्पर प्राइजमा लक्की ड्रको बिजेता सर्मिला सुनुवारले आइफोन १४ प्रो जितेकी छन् भने भाग्यशाली १०० जनाले एक वर्षका लागि पठाओ फुडबाट निःशुल्क डेलिभरी पनि जितेका छन्।
केही रेस्टुरेन्टहरूबाट ९ सय ९९ रुपैयाँभन्दा माथिको अर्डरमा बाह्रसिङ्गे बियर पनि दिइएको थियो। बाह्रसिङ्गेको अरु उपहार र बाह्रसिङ्गे गार्डेनमा २ जनालाई बेड एण्ड ब्रेकफास्ट समेत दिएको थापाले जानकारी दिए।
फेस्ट अवधिमा रेस्टुरेन्टहरूमा ग्राहकको भन्दा पठाओ हिरोहरूको भिड बढी देखिएको रेस्टुरेन्ट व्यवसायी बताउँछन्।
सामान्य दिनमा पठाओ हिरोहरूले औसतमा दैनिक ४० हजार रुपैयाँ कमाउँदै आएकोमा फुड फेस्ट अवधिमा ५० हजार पुगेको कम्पनीले जनाएको छ।
ग्राहकहरूले खानेकुराको अर्डरमा पाएको स्योरशट प्राइजको स्क्राच कार्ड फेसबुक र इन्स्टाग्राममा सेयर गरेका थिए। जसमा हरेकले केही न केही पुरस्कार जितेका छन्।
यस्तो पुरस्कारहरूमा सिजी नेटको ३ महिनाको फ्री इन्टरनेट सब्सक्रिप्सन, डिशहोम टिभीमा ३ महिना फ्री रिचार्ज, डिशहोम गो एपमा ३ महिनाका लागि फ्री सब्सक्रिप्सनका साथसाथै क्युएफएक्स मुभी बुकिङ तथा यती एयरलायन्सको टिकट र धुलिखेल जिपलाइन बुकिङमा छुट दिइएको थियो।
यस्तै ग्राहकहरूलाई कम्पनीले गितार सपको सपिङ भौचर जस्ता उपहारसमेत दिएको थियो।
फुड फेस्टमा मेहनत गर्ने १० जना पठाओ हिरोहरूले पनि भिभोको वाई १५ सी मोबाइल उपहार पाएको कम्पनीले जनाएको छ।
कम्पनीले अनलाइन फुड अर्डरका लागि नयाँ–नयाँ ग्राहकहरूमाझ पुग्न फेस्ट आयोजना गरेको थियो। जसमा लक्ष्यको दुई गुणा बढी अर्डर आएको थापाले जानकारी दिए।
पठाओले फुड फेस्ट सकिएलगत्तै जुलाइ महिना भरका लागि एक सयभन्दा बढी रेस्टुरामा छुटका साथ मनसुन क्याम्पेन सुरू गरेको बताएको छ।
