पर्यटन व्यवसायीहरुले साउन मसान्तभित्र सबै पर्यटकीय गतिविधि खोल्न माग गरेका छन्।
पर्यटन व्यवसायसँग सम्बन्धित व्यवसायीहरुका प्रतिनिधि संस्थाहरुले आज काठमाडौंमा पत्रकार सम्मेलन गर्दै साउन मसान्तभित्र व्यावसायिक हवाइ उडान तथा पर्यटनकीय गतिविधि खोल्न माग गरेका हुन्।
लकडाउन खुकलो भएपनि होटल, रिसोर्ट, होमस्टे, हवाई तथा सार्वजनिक, पर्यटक सवारी यातायात लगायत समग्र पर्यटकीय क्षेत्रहरु बन्द रहेकाले भाडा तिर्नै गाह्रो भएको उनीहरुले गुनासो गरेका छन्।
व्यवसायीहरुले अगष्ट १ सम्म आन्तरिक उडान खोल्न तथा अगष्ट १५ भित्र अन्तर्राष्ट्रिय उडान तथा नाका खोल्न माग गरेका छन्। अन्तर्राष्ट्रिय अभ्यास पालना गर्दै गतिविधि खोल्न उनीहरुले माग गरेका हुन्।