सरकारले चैत ११ गदेखि लगाएको लकडाउन जेठ मसान्तसम्म तोकिएको छ। यो बीचमा उद्योगी व्यवसायी तथा सर्वसाधारणहरुले स्वतस्फुर्त उलंघन गर्न थालेका छन्।
यहीबीच सरकारले लकडाउनकाबीच पनि आर्थिक गतिविधि खोल्ने उपायाका बारेमा व्यवसायीहरुसँग सल्लाह सुझाव पनि मागेको छ।
कोरोना भाइरसको संक्रमण रोकथाम तथा उपचारका लागि काम गर्नका लागि गठन भएको उच्चस्तरीय समितिले व्यवसायीहरुका छाता संगठनलाई बोलाएर सल्लाह र सुझाव लिएको थियो।
सरकारले सुझाव माग्न बोलाएको बैठकमा नेपाल चेम्बर अफ कमर्शले लकडाउनकै बीचमा पनि आर्थिक गतिविध खोल्न सकिने उपाया सुझाएको थियो।
चेम्बरले सार्वजनिक ठाउँमा भेला हुन प्रतिबन्ध लगाएर व्यावसायिक स्थलमा फेसमास्क अनिवार्य गर्ने,काम गर्दा सामाजिक दुरी अनिवार्य हुनुपर्ने जस्ता राष्ट्रिय गाइडलाइन बन्नुपर्ने सुझाव दिएको छ।
संक्रमणको अवस्था तथा जोखिमलाई ख्याल गरेर सरकारले विभिन्न क्षेत्र निर्धारण गरी सोहीअनुसार गतिविधि खोल्नुपर्ने चेम्बरको सुझाव रहेको छ। रातो,पहंलो तथा हरियो क्षेत्र निर्धारण गरी गतिविध खुकुलो बनाउन उसले माग गरेको छ।
भारतसँग सीमा जोडिएका तराइका अधिकांस जिल्ला तथा संक्रमण धेरै देखिएका जिल्लालाई रेड जोनमा राखेर लकडाउनलाई निरन्तरता दिनुपर्ने, अलिअलि आयातित संक्रमण देखिएका जिल्लालाई यलो जोनमा राखेर गितिविधिमा सिमतता अपनाउने र अहिलेसम्म संक्रमण नदेखिएका जिल्लालाई ग्रिन जोनमा राख्न चेम्बरले सुझाएको छ।
भारतबाट प्रवेश गरेका ठाउँमा परीक्षणलाई फराकिलो बनाउने, नगरक्षेत्रमा २ जनासम्म सवार सवारीलाई पास अनिवार्य नगर्ने, सार्वजनिक यातायात नखोल्ने, विद्यालय,सिनेमा हल तथा सामाजिक कार्यलाई प्रतिबन्ध कायमै राख्ने सुझाव दिएको छ।
काठमाडौं उपत्यका हकमा अत्यावश्यक सेवा तथा मालवस्तुको ओसारपसार बाहेक प्रवेश निषेध गर्ने,मालवाहक गाडीबाट यात्रुको औसारपसारलाई रोक लगाउनुपर्ने चेम्बरले सुझाव दिएको छ।
संक्रमण न्युनीकरण गर्न सफल राष्ट्रका अभ्यास अनुसरण गरिनुपर्ने चेम्बरले सुझाव दिएको छ।
चेम्बरले वर्क फ्रम होमलाई सरकारले नै प्रोत्साहन गर्नुपर्ने,कार्यस्थलको समाजिक दुरीको अनुगमन गर्नुपर्ने, सिल गरिएका क्षेत्रमा अत्यावश्यक वस्तु तथा सेवाको उपलब्धता सरकारले नै गरिदिनुपर्ने जस्ता सुझाव दिएकोछ।
.jpg)
