गत विहिवार सङ्घीय संसद्को संयुक्त वैठकमा आगामी आवको बजेट पेश गर्दै अर्थमन्त्री युवराज खतिवडाले यातायात व्यवसायीको लागि पनि केही प्याकेज ल्याए।
‘कोरोना संक्रमण जोखिमको कारण आवागमन प्रभावित हुँदा यातायात व्यवसायमा परेको असर न्यूनीकरण गरी पुन संचालन गर्न बैंक कर्जामा सहुलियत, कर छुट र रुट इजाजत दस्तुर छुट दिने व्यवस्था मिलाएको छु,’ बजेट पेश गर्दै अर्थमन्त्री खतिवडाले भने।
बजेटमा यातायात व्यवसायीको लागि यती धेरै प्याकेज ल्याइएकोे सम्भवत नयाँ घटना हो।
अर्थमन्त्रीको यो सम्बोधन सकारात्मक भएपनि व्यवसायीहरु प्रष्ट हुन नसकेको नेपाल यातायात व्यवसायी राष्ट्रिय माहासघंका माहासचिव सरोज सिटौलाले बताए।
‘ध्वस्त हुन लागेको हाम्रो व्यवसायप्रती चासो देखाएर बजेटमा हाम्रो लागि प्याकेज आउनु सकारात्मक हो। हामीलाई बैंक कर्जामा कति प्रतिशत छुट? करमा कति छुट त्यो क्ल्यिर भएन,’ उनले सेतोपाटीसगँ भने।
त्यस्तै यातायात मजदुर तथा स्वरोजगार यातायात व्यवसायीको लागि सम्बोधन नभएको उनले बताए।
‘यी प्याकेजले यातायात व्यवसायी त जेनतेन धानिएलान् तर २ महिना देखि बेकामे भएर बसेका यातायात मजदुरले कसरी घर चलाउँलान्?,’ उनल भने।