गत आर्थिक वर्षको पहिलो ६ महिनामा देशका उद्योगहरुको उत्पादन क्षमता उपयोग २ प्रतिशतले बढेको छ ।
नेपाल राष्ट्र बैंकले गरेको एक अध्यायनले उद्योगको क्षमता उपयोग बढेको देखाएको हो । बैंकले देशभरिका ५७ जिल्लालाई आधार मानेर गरेको अध्यायनका अनुसार विभिन्न २३ उद्योगको औषत उपयोगिता बढेको देखिएको हो ।
उद्योगको कूल क्षमतामध्ये उपयोगिताको अनुपातलाइ यो अध्ययनले देखाएको छ।
बैंकको प्रतिवेदन अनुसार पहिलो ६ महिनामा मदिरा उद्योगको उत्पादन क्षमता उपयोग सबैभन्दा बढेको छ । अघिल्लो वर्षको सोही अवधिमा मदिरा उद्योगहरु आफ्नो क्षमताको ३१ प्रतिशत मात्रै उत्पादन गर्दै आएका थिए गत वर्ष त्यो बढेर ७७.२१ प्रतिशत भयो ।
यस्तै बनस्पती घ्यूको उत्पादन आफ्नो क्षमताको ६७.७५ बाट बढेर ७१ प्रतिशत पुग्यो भने वियरको उद्योगहरुले उत्पादन गर्न सक्ने क्षमताको ७९ प्रतिशत बाट ८९ प्रतिशत पुर्याएका छन् ।
तर, चाउचाउ, हल्का पेय पदार्थ, चुरोट लगायतका उद्योगको क्षमता अनुसारको उत्पादन भने घटेको छ । अध्ययनका अनुसार चाउचाउको उत्पादन क्षमताको ८१ प्रतिशत बाट ६४, हल्का पेय पदार्थको ९९.९३ बाट ६१ तथा चुरोटको ५८ बाट ३७ प्रतिशतमा झरेको छ ।
यस्तै, सिमेन्ट, फलामको रड तथा गार्मेन्टको क्षमता उपयोगत घटेको छ ।
अध्ययनले नेपालका उद्योगहरुमा सबैभन्दा बढी पश्मिनाको उत्पादन क्षमता अनुसार उत्पादन गरिरहेका छन् । पश्मिना उत्पादन क्षमताको ९७.७१ प्रतिशत छ । यस्तै, वियरको उत्पादन ८९ तथा बनस्पती घ्यु क्षमताको ७१ प्रतिशत उत्पादन भइरहेको छ ।
सबैभन्दा कम क्षमतामा गार्मेन्ट उद्योग र साबुन उद्योग ३२/३२ तथा कागज उद्योगले ४३ प्रतिशत मात्रै आफ्नो क्षमता प्रयोग गरी उत्पादन गरिरहेका छन् ।