नेपाल एयरलाइन्सले थप चारवटा र्याम्प बस खरिद गर्ने भएको छ। एयरलाइन्सले खरिदका लागि प्रक्रिया अघि बढाइएको जानकारी दिएको छ।
त्रिभुवन अन्तर्राष्ट्रिय विमानस्थलको ग्राउन्ड ह्यान्डलिङ सेवालाई प्रभावकारी बनाउन बस खरिद गर्न लागिएको एयरलाइन्सले जानकारी दिएको छ।
सेवालाई सदाझैं गुणस्तरीय र सुरक्षित बनाउने उद्देश्यले विभिन्न उपकरणहरु खरिद गर्ने प्रक्रिया अगाडि बढाइएको छ ।त्यसमा पहिलोचरणमा बस खरिद गर्न लागिएको नेपाल एयरलाइन्सका प्रवक्ता गणेश चन्दले जानकारी दिए।
यी बसहरु आएपछि बिजनेस क्लास र क्रुहरुले छुट्टै बसको सुविधा पाउने छन्। साथै यही हप्ताभित्र विशिष्ट तथा अति विशिष्ट व्यक्तिहरुको लागि नयाँ भिभिआइपी र्याम्प कोच संचालनमा ल्याउन लागिएको उनले जानकारी दिए।
एयरलाइन्ससँग हाल यस्ता र्याम्प बस चार वटा रहेका छन्।