तरकारीमा विषादी परीक्षण गर्ने नीतिबाट पछि हटेको सरकार उपभोग्य वस्तुको आयातमा पनि लचिलो भएको छ। असार २ गते राजपत्रमा सूचना जारी गर्दै ७५ प्रतिशत उपभोग्य मिति बाँकी भएका वस्तुकोमात्र आयात गर्न पाइने व्यवस्था लागू गरेको सरकार ३ सातामै पछि हटेको हो।
सरकारले संसोधित नीति राम्रोसँग लागू नहुँदै उपभोग्य वस्तुको आयातमा लचिलो नीति लिएको छ।
आज राजत्रमा सूचना जारी गर्दै उद्योग वाणिज्य तथा आपूर्ति मन्त्रालयले त्यस्ता वस्तुको उपभोग्य मिति ४० प्रतिशत सकिएको भएपनि आयात गर्न पाइने जानकारी दिएको छ।