सुर्खेतबाट बुद्ध एयरको सन्ध्याकालीन उडान हटाइने भएको छ।
असार १ गतेदेखि सुरू भएको सन्ध्याकालीन उडान यात्रु अभावमा हटाइने भएको हो।
काठमाडौंका लागि बिहान र साँझ दुईपटक उडान गर्ने भनेको बुद्ध एयरले यात्रु अभावका कारण उडान सुरू भएको एक हप्ता नहुँदै असार ६ गतेदेखि सन्ध्याकालीन उडान हटाउने भएको बुद्ध एयरका सुर्खेत इन्चार्ज अनिल पन्तले जानकारी दिए।
यसै हप्ताको शुक्रबारदेखि बुद्ध एयरको सुर्खेत–काठमाडौं सन्ध्याकालीन उडान हटाइने बुद्ध एयरका सुर्खेत इन्चार्ज पन्तले जानकारी दिए।
‘यात्रु अभावका कारण हटाउन बाध्य भएका हौं’, उनले भने।
हाल दुई उडानमा काठमाडौंका लागि ४० यात्रु बुद्ध एयरले पाएको पन्तले बताए।
