राजधानीको पुतलीसडकस्थित स्टार मलको भुइँतलामा ‘इटालियन एस्प्रेसो एकेडेमी’ संचालनमा छ। यो एकेडेमीले ‘वरिस्टा ट्रेनिङ’ अर्थात कफी बनाउन सिकाउँछ।
नेपालसहित ३५ बढी मुलुकमा इटालियन एस्प्रेसो फैलिएको छ। संस्थापक सदस्य सुवास विक्रम शाहका अनुसार एकेडेमी नेपालमा गत भदौबाट सञ्चालमा आएको हो।
एकेडेमीमा ५ वटा उच्चस्तरीय कफी मेसिन राखिएको छ। ती मेसिनको प्रयोगबाट ६० प्रकारका कफी बनाउन सिकाइन्छ। ‘अन्तर्राष्ट्रिय मापदण्ड अनुरूप उत्कृष्ट प्रचलित कफी बनाउन यहाँ तालिम दिइन्छ’ शाहले भने।
शाहका अनुसार ‘बेसिक वरिस्टा कोर्ष’ र ‘स्पेसालिटी कफी कोर्ष’ गरी दुई तवरबाट अध्ययन गराइन्छ। उनका अनुसार ‘बेसिक वरिष्टा कोर्षमा कफीको इतिहास र वर्तमान अवस्था, स्पेसो वेभरेज बनाउने तरिका, मेसिन संचालन विधि, दूध उमाल्ने तरिका र ग्राहकलाई सर्भिस कसरी दिने भन्ने कुरा सिकाइन्छ। सिकाई अवधि २ हप्ताको हुन्छ।
त्यसका साथै हाते आर्ट ट्रेनिङ (कफिमा बुट्टा हाल्न) पनि सिकाइन्छ। कफी मेसिनको इतिहास, कफीका प्रकार, ग्रीण्डर गर्ने तरिका पनि सिकाइन्छ।
स्पेसालिटी कफी कोर्षमा कफी रोस्टिङ, कफीको विजनेश गर्ने तरिका सिकाइन्छ। उनका अनुसार कोर्षको सम्पुर्ण डिजाइन ट्रेनिङ पार्टनर ‘इटालियन एस्प्रेसो एकेडेमीले गरेको हो। यहाँ नेपाली शिक्षक शिक्षिकाले तालिम दिन्छन्।
तालिम दिन ६/६ महिनामा इटलीबाट दक्ष शिक्षक आउने उनले बताए। जो विद्यार्थी स्टुडेन्ट भिसामा बाहिर जाँदै छन्। त्यस्ता विद्यार्थीलाई यो तालिम अत्यन्तै उपयोगी हुने उनी बताउँछन्। ‘हामीसँग तालिम लिएकाले विश्वको जुनसुकै कफी सपमा काम गर्न सक्छन्’, शाहले भने।
यो कोर्ष पुरा गर्दा ३० हजार रुपैयाँ शुल्क लाग्छ। विद्यार्थीलाई सहज हुने तरिकाले बिहान ८ बजेदेखि बेलुका ७ बजेसम्म कक्षा सञ्चालन गरिएको छ। एक पटकमा १८ जना विद्यार्थी अटाउन सक्ने क्षमता छ।
उनका अनुसार यहाँबाट तालिम लिएर गइसकेका विद्यार्थीहरू ९० प्रतिशत अष्ट्रेलिया, केही युरोप र केही यही कफीको विजनेश गरेर बसेका छन्।
यहाँ तालिम लिनेलाई कामको पनि व्यवस्था मिलाइने गरेको छ। कोर्ष अध्ययनपछि अन्तर्राष्ट्रिय स्तरमा मान्यता पाउनेगरी ‘सर्टिफिकेट’ दिइन्छ। ‘त्यो सर्टिफिकेटले विश्वका अन्य देशहरुमा मान्यता पाउँछ, कफी बनाउने कामका लागि उ हरेक देशमा दक्ष मानिन्छ’ शाहले दावी गरे।