स्वीच अन नेटवर्कले एउटै छानामुनि विस्वस्तरीय ब्राण्डका घरायसी इलेक्ट्रोनिक्स सामानहरु बिक्री वितरण् गर्दै आएको छ। साथै यसले नव उद्यमीलाई व्यवसायिक अवसर पनि प्रदान गर्दै आएको छ। स्वीच अन नेटवर्कमा आवद्ध भई जोकोहीले व्यवसाय संचालन गर्न सक्नेछन्। यिनै सम्वन्धमा स्वीच अनका मार्केटिङ म्यानेजर पारस दाहालसँग गरिएको कुराकानी:
‘स्वीच अन नेटवर्क’को अवधारणा कहाँबाट आयो ? प्रष्ट पारिदिनुस् न
स्वीच अन नेटवर्क एउटा मल्टीब्राण्ड इलेक्ट्रोनिक्स सामानको खुद्रा शोरुम हो। यो संजाल देशभरि नै विस्तारको क्रममा छ। विभिन्न ब्राण्डका सम्पूर्ण घरायसी इलेक्ट्रोनिक्स सामानहरु एउटै छानामुनि सुपथ मूल्यमा ग्राहकलाई उपलब्ध गराउनु नै यसको मुख्य उद्देश्य हो।
नव उद्यमी जो ब्यबसाय गर्न इच्छुक छन्, उनीहरुलाई स्वीच अनले व्यबसायिक अवसर प्रदान गरी आत्मनिर्भर बनाउन र भबिष्य सुनिश्चित गर्न सहयोग गर्दछ।
स्वीच अन आफैमा एउटा अवसर पनि हो। ‘सुरक्षित ब्यवसायको साथमा न्युन लगानी’ नै स्वीच अनको सबैभन्दा सवल पक्ष हो। त्यसैगरी स्वीच अनको विश्वसनीयता र संचालनमा एकरुपताकै कारण हरेक नव उद्यमीलाई ब्यबसाय संचालन गर्न उत्प्रेरणा प्रदान गर्दछ।
हालसम्म कति वटा आउटलेट खोल्नु भएको छ र संचालकहरुको प्रतिक्रिया कस्तो छ ?
नेटवर्क विस्तार गर्ने क्रममा हाल सम्म २० वटा शोरुम देशका विभिन्न शहरमा संचालनमा आइसकेका छन्। अन्य शोरुम पनि खुल्ने क्रममा छन्। यसको आफ्नै संचालन प्रकृया रहेकाले हरेक आउटलेटमा संचालकहरु यो ब्यबसायबाट सन्तुष्ट छन्।
स्वीच अनको आउटलेट सुरु गरेको खण्डमा के कस्ता फाइदा पाउन सकिन्छ ?
स्वीच अनको आउटलेट सुरु गरे पश्चात हरेक संचालकले विश्व प्रतिष्ठित ब्राण्डहरुको साथमा ब्यबसाय संचालन गर्न पाउने भए। बजारको अवलोकन तथा आवश्यक परेमा उचित सर सल्लाह प्रदान गरिन्छ। जसले व्यवसायिक अनुभव प्रदान हुन्छ।
ब्यबसाय संचालन गर्नको लागि उचित मात्रमा तालिम तथा मार्गदर्शनको ब्यबस्था गरिन्छ। प्रभावकारी बिक्री योजना, नगद छुट तथा अन्य मार्केटिङ क्रियाकलाप सहित संचालकहरुसँग आवद्ध हुने मौका मिल्ने भयो। मूल्यमा हेरफेर भएको खण्डमा ‘प्राइस प्रोटेक्सन’मार्फत एकरुपता ल्याउन सिकाइन्छ।
यो व्यवसाय सुरु गर्न के कस्ता प्रकृया पुरा गर्नु पर्दछ ?
यो ब्यबसाय सुरु गर्न कम्पनी भ्याटमा दर्ता भएको प्रमाण पत्र चाहिन्छ। त्यस्तै घर बहालको सम्झौता पत्र, बैंक ग्यारेन्टी, व्यवसायिक करार सम्झौताको प्रमाण पत्र र नागरिकताको प्रमाण पत्र जरुरत पर्दछ।
व्यवसाय संचालन गर्नेप्रति कम्पनीले दिने गरेका सेवा सुविधा कस्ता छन् ?
स्वीच अनको आउटलेट सुरु गरे पश्चात कम्पनीले संचालकलाई गर्नु पर्ने सहयोगमा कुनै कमी आउने छैन। कम्पनीको यसमा स्पष्ट धारणा छ।
संचालकलाई गर्नु पर्ने बिक्री सम्बन्धी सहयोग, व्यवसाय प्रवद्र्धन तथा योजनाका कुराहरुका साथै संचालन प्रकृयामा आउन सक्ने हरेक समस्याको दीर्घकालीन समाधानको लागि संचालकलाई कम्पनीको तर्फबाट निरन्तर सहयोग प्रदान गरिने छ।
ब्यापार गर्ने प्रकृयामा कुनै संचालक सन्तुष्ट नभएको खण्डमा बाहिरिनको लागि के कस्तो प्रकृया छ ?
यो व्यवसाय आफैमा एउटा सुरक्षित प्रकृतिको भएकाले कुनै पनि संचालक असन्तुष्ट हुनु हुँदैन भन्ने लाग्छ। तर संचालनको क्रममा आफ्ना व्यक्तिगत वा अन्य कुनै समस्या आई असन्तुष्ट भएर व्यवसाय बन्द गर्नु पर्ने अवस्था भएमा बिना झन्झट यो ब्यबसायबाट बाहिरिन पनि सकिन्छ।
व्यवसायबाट बाहिरिन स्पष्ट कारण सहित ३ महिनाको अग्रिम सूचना दिनु पर्ने हुन्छ र त्यो अवधिभित्र बिक्री योग्य सम्पूर्ण सामानहरु कम्पनीमा फिर्ता गरी १५ दिन भित्र हिसाब मिलान गरि खाता बन्द गरिन्छ।
स्वीच अनसँग आवद्ध भएर व्यवसाय सुरु गर्दा संचालकले आफ्ना आउटलेटबाट कुन कुन ब्राण्डका घरायसी इलेक्ट्रोनिक्स सामानहरु बेच्न पाउँछ ?
स्वीच अनको माध्यमबाट बिक्री बितरणको लागि ल्याइने जति पनि ब्रान्ड र उत्पादनहरु हुन्छन्, ति सबै आउटलेटबाट कारोबार गर्न सकिन्छ। हाल स्वीच अनको आउटलेटबाट विश्वका उत्कृष्ट ब्रान्ड सामसुङ, टाइमेक्स, इन्डोयजन, ओस्रम, अहुजा, ग्यालेन्ज, प्रोलिंक, हन्टकी, हिमस्टार लगायत ब्रान्डका सम्पूर्ण उत्पादन बिक्री बितरणको लागि राखिएका छन्।
व्यवसायलाई स्वस्थ बनाउन र बजारमा स्वीच अनको विश्वसनीयता बढाउन कम्पनीको तर्फबाट के कस्तो भूमिका रहन्छ ?
यो व्यवसायलाई स्वस्थ र तन्दुरुस्त बनाउनका लागि स्वीच अनबाट संचालकलाई समय समयमा प्रदान गर्ने बिक्री सम्बन्धी तालिम, उत्पादन सम्बन्धी जानकारी, अकाउन्ट सम्बन्धी तालिम तथा अन्य मार्केटिङ क्रियाकलापहरुको जानकारीहरु प्रदान गरिन्छ। जसले व्यवसायिक क्षेत्रको सिप विकासमा मद्दत पुर्याउँछ।
स्वीच अनको आफ्नै पहिचान बनाउन र ग्राहक माझ यसको बिश्वसनीयता बढाउनको लागि कम्पनीले विभिन्न रणनीतिहरु बनाएको छ। संचालन प्रकृयामा एकरुपता, बिक्री पछिको सेवाहरु, एउटै छानामुनि सम्पूर्ण घरायसी इलेक्ट्रोनिक्स सामानहरुको साथै ग्राहक सन्तुष्टिलाई मध्यनजर गरी बनाइएका स्किम, अफर तथा डिस्काउन्टले स्वीच अन प्रतिको विश्वास कायमै छ।
यो व्यवसायको भबिस्य वा यसमा जोडिन चाहने व्यक्तिहरुलाई के कस्तो सल्लाह र सुझाव दिन चाहनु हुन्छ ?
स्वीच अन एउटा फ्रेन्चिज मोडालिटीमा रहेको व्यवसाय हो। यो इलेक्ट्रोनिक्स रिटेल बजारमा एकदमै सफल अनुभव हो। जुन कम जोखिम अनि कम लगानीमा नै सुरुआत गर्न सकिन्छ। यसको आफ्नै संचालन प्रकृयाहरु छन्।
यो व्यवसायसँग जोडिन चाहने नव उद्यमीलाई के भन्न चाहन्छु भने व्यवसायमार्फत सफल बन्न पुंँजी भन्दा पनि तपाईको व्यवसाय प्रतिको समर्पण, मेहनत, धैर्यता अनि अनुशासनको आवश्यकता पर्दछ।
तपाईँहरु जो कोही पनि यो ब्यबसाय सुरु गर्न चाहनुहुन्छ भने अझै बिस्तृतमा जानकारी लिन स्वीच अनको केन्द्रिय कार्यालय नारायण चौर, नक्सालमा सम्पर्क गर्न सक्नु हुनेछ। अथवा कार्यालयको सम्पर्क नम्बर ०१–४४२२९९० ०१–४४२२९५५ वा मोबाइल नम्बर ९८५१२०३९०४ मा सम्पर्क गरी थप जानकारी लिन सकिन्छ।