लगानी सम्मेलनबाट अधिकतम फाइदा लिनका लागि सरकारले कुटनीतिक माध्यमबाट पहल अघि बढाएको छ। व्यक्तीगत लगानीकर्तामा नेपालप्रति ढुक्का नभएपछि सरकारले कुटनीतिक माध्यमबाट ढुक्क पार्ने कोशिस गरिरहेको छ।
विभिन्न देशमा रहेका कुटनीतिक नियोगबाट सम्बन्धित देशका लगानीकर्तासँग अन्तरक्रियादेखि मन्त्रीस्तरीय भ्रमणबाट पनि नेपालमा लागनीका लागि उपयुक्त वातावरण रहेको सन्देश दिनेगरी काम अघि बढेको हो।
नेपाल आउने हरेक विदेशी भ्रमण मण्डल, अन्य बहुक्षीय र द्विपक्षीय भेटघाटलाई लगानी सम्मेलनका लागि प्रबद्र्धनमा उपयोग गर्ने रणनीतिमा सरकार अघि बढेको अधिकारीहरुले बताउँदै आएका छन्।
यही सन्दर्भमा अर्थमन्त्री डा युवराज खतिवडा आफै लगानी सम्मेलनको प्रबद्र्धन गर्न सयुक्त अधिराज्य बेलायत प्रस्थान गरेका छन्। नेपालमा लागनीको वातावरण बारे प्रष्ट पार्न उनी मंगलबार प्रस्थान गरेका छन्।
लगानी सम्मेलनको तयारीका लागि संयुक्त अधिराज्यको राजधानी लण्डनमा आयोजित नेपाल विकास सम्मेलनमा सहभागी हुन खतिवडा बेलायत गएको उनको सचिवालयले जानकारी दिएको छ।
बोलयतका लगानीकर्ताहरुलाई नेपालमा लगानी गर्न प्रोत्साहित, समन्वय तथा लगानी सम्मेलनलाई समेत सहयोग पुर्याउने उद्देश्यले फागुन १० मा वेलायत स्थित नेपाली राजदुतावासद्वारा आयोजना हुने नेपाल विकास सम्मेलनमा प्रमुख वक्ताको रुपमा सहभागी हुन अर्थ मन्त्री गएको मन्त्रालयले जानकारी दिएको छ।
भ्रमणको क्रममा खतिवडाले गैह्र आवासीय नेपाली संघ, वेलायत र नेपाल वेलायत चेम्वर अफ कमर्शको कार्यक्रमहरुमा पनि सहभागी हुनेछन्। नेपाली राजदूतावासमा आयोजना हुने नेपाल विकास सम्मेलनमा संयुक्त अधिराज्य सरकारको अन्तर्राष्ट्रिय सहयोग विभाग र काठमाडौंस्थित अन द वाच संस्थाको समेत सहकार्य रहने छ। सम्मेलनमा वेलायती संसदका तीन जना सांसद, काठमाडौंस्थित वेलायती सहयोग नियोगका प्रमुख लगायतको उपस्थिति हुने छ।
