पूर्ण सरकारी स्वामित्वको नेपाल एयरलाइन्स पछिल्लो समय चरम तरलता संकटमा पर्दै गएको छ। पछिल्लो एयरबस ए३३० जहाज किन्दा लिएको ऋणको किस्ता र ब्याज तिर्न नसक्ने अवस्थामा पुगेको छ।
एयरलाइन्स यस्तो अवस्थामा पुगेपछि लामो दुरीमा उडान भएर व्यवासायिक लाभ लिएपछि आफै तिर्ने र तत्काल सकरारले ब्याज र किस्ता तिरिदिए सजिलो हुने भन्दै एयरलाइन्स नेतृत्वले सरकारको ध्यानाकर्षण गराएको थियो।
सोही बमोजिम सरकारले किस्ता तिरिदिन ससहमति जनाएको छ। माघको किस्तालाई चैतमा सारेर त्यहीबेला दुवै किस्ता तिरिदिने सरकारले आस्वासन दिएको नेपाल एयरलाइन्स उच्च स्रोतले जानकारी दिएको छ।
ऋणको अरबौ किस्ता तिरिदिने सरकारकै एउटा मन्त्रालयले भने नेपाल एयरलाइन्सका जहाजमा यात्रा गरेबापतको भाडा तिरेको छैन।
नेपाल एयरलाइन्सकाले सार्वजनिक लेखा समितिमा बुझाएको विवरणअनुसार पराराष्ट्र मन्त्रालयले एयरलाइन्सको करिब पाँच करोड भाडा तिर्न बाँकी रहेको छ।
विस २०६१ सालदेखि हालसम्म कूल २५ करोड ६७ लाख भाडा उठ्न बाँकी रहेकोमा पराराष्ट्रकैमात्र ४ करोड ९० लाख रुपैयाँ भाडा बाँकी रहेको छ।
त्यसमध्ये ६ करोड बक्यौता उठाउनका लागि कानूनी प्रक्रियामा गइसकेको उल्लेख गरेको एयरलाइन्सले सरकारी निकायहरुसँग पनि छलफल भइरहेको बताएको छ।