जापानको ओसाका विमानस्थलमा नेपाल वायुसेवा निगमको उडान पुनः सञ्चालन गर्नबारे निगम र जापानी टोलीका उच्चपदाधिकारीबीच छलफल भएको छ।
सोमबार निगमका कार्यकारी अध्यक्ष मदन खरेलले नेतृत्व गरेका नेपाली प्रतिनिधिमण्डल र ओसाका विमानस्थलको एसिया क्षेत्र हेर्ने निर्देशक इमानुएल् मानेन ताउले नेतृत्व गरेका प्रतिनिधिमण्डलबीच सो विषयमा छलफल भएको हो।
जापानी टोलीले उडान पुनः सञ्चालन गर्न आफ्ना तर्फबाट पूर्ण सहयोग गर्ने बताउनुका साथै हानेदा पछि ओसाका आकर्षक र महत्वपूर्ण विमानस्थल रहेकाले निगमको उडान उपलब्धिमूलक हुने बताए ।