संयुक्त राज्य अमेरिका नेपालको कृषि क्षेत्रमा लगानी गर्न इच्छुक देखिएको छ । कात्तिक १३ गते अमेरिकाको वाशिङटनमा सम्पन्न भएको नेपाल अमेरिका ट्रेड एण्ड इन्भेष्टमेन्ट फ्रेमवर्क (टिफा)को चौथो बैठकमा अमेरिकाले नेपालको कृषि क्षेत्रमा लगानी गर्न इच्छा व्यक्त गरेको वाणिज्य सचिव चन्द्रकुमार घिमिरेले जानकारी दिए ।
मङ्गलबार मन्त्रालयमा पत्रकार सम्मेलनगर्दै सचिव घिमिरेले अमेरिकाले बैठकमा नेपालको कृषिक्षेत्रलाई आधुनिकीकरण गर्दै व्यावसायिकता तर्फ लैजान चासो व्यक्त गरेको बताए ।
सचिब घिमिरेले बैठकमा उनीहरूको नेपालको कृषि क्षेत्रप्रतिको लगाबलाई पुरा गर्न आफुहरूले नीति परिमार्जन गर्ने बताएको उनले जानकारी दिए।
विदेशीलाई लगानीको वातावरण बनाउन उद्योग मन्त्रालयले बैदेशीक लगानी तथा प्रविधि हस्तानतरण सम्बन्धी, अर्थमन्त्रालयले बौद्धिक सम्पत्तिसम्बन्धी र डिजिटल मार्केटको विषयमा क्याबिनेटमा काम भइरहेको उनले जानकारी दिए।
नेपालको बस्तु सामान निर्यात हुनेमा अमेरिका ५ औँ स्थानमा छ। फेल्ट, हस्तकला, कार्पेट, क्याप लगाएतका ७७ वटा वस्तु नेपालबाट अमेरिका निर्यात भइरहेको छ।
उद्योग वाणिज्य तथा आपूर्ति मन्त्रालयका अनुसार २०१५ मा रू. ७ करोड, २०२६ मा रू. ८ करोड र २०१७ मा रू.८ करोड भन्दा बढीकोे सामान नेपालबाट अमेरिका निर्यात भएको छ।
टिफा बैठक सन् २०११ मा पहिलो पटक, २०१५ मा दोस्रो पटक र २०१७ मा तेस्रो पटक भएको थियो । साथै अहिले सन् २०१८ मा भएको बठैक ६ महिना पछि पुनः काठमाडौँमा हुने उनले बताए।
उनका अनुसार टिफा बैठक वर्षमा एकचोटी बस्नुपर्ने प्राबधान रहेका छ।
