नेपालल वस्तु व्यापारमा सँधैजसो घाटामा हुन्छ। अर्थात् आयातको तुलनामा न्यून निर्यातमात्र गर्छ। उत्पादन लगात धेरै भएको, औद्योगिक वातावराण र अन्वेषणको कमीले निर्यात नाममात्रको छ।
यस्तोमा पनि केही यस्ता वस्तु छन् जो निरन्तर निर्यात भइरहेका छन्। गएको वर्ष नेपालबाट कूल ८१ अर्ब ३२ करोड रुपैयाँ बराबरका वस्तु निर्यात् भएका थिए।
तिनमा सबैभन्दा बढी निर्यात् हुने पोलिस्ट, कटन तथा अन्य कपडाको निर्यातको मूल्य सबैभन्दा बढी रहेको छ। जो ८ अर्ब ४२ करोड रुपैयाँ बराबरको निर्यात भएको छ। यो अघिल्लो वर्षको तुलनामा २१ प्रतिशतले बढी हो।
त्यस्तै दोस्रो बढी मूल्यको निर्यात् हुने वस्तुमा कार्पेट रहेको छ। अघिल्लो ५ लाख ३ हजार वर्गमिटर बेचेर ७ अर्ब २९ करोड रुपैयाँ भित्रिएकोमा गएको वर्ष ५ लाख ३० हजार वर्गमिटर बेचेर ७ अर्ब रुपैयाँ भित्रिएको छ।
त्यस्तै तेस्रो वस्तु तयारी पोसाक रहेका छन्। जुन १ करोड ५० लाख पिस बिक्री गरेर ५ अर्ब ९७ लाख रुपैयाँ भित्रएिको छ।
त्यस्तै अर्को फलाम तथा स्टीलजन्य वस्तुको निर्यात रहेको छ। जुन गएको वर्ष ५ अर्ब ५९ करोड रुपैयाँ बराबरको निर्यात भएको छ। भने अर्को बढी मूल्यमा बिक्री हुने अलैची हो जसको बिक्रीबाट ४ अर्ब ८४ करोड रुपैयाँ भित्रिएको छ।