‘सयौँ सम्वन्धको कयौं भावना’ भन्ने नाराका साथ कोकाकोलाले ‘मन खोलौँ कोकसँग’ अभियान ल्याएको छ। हजारौं सम्वन्धको अनगिन्ती भावनासँग जोड्ने आसयले यो नारा राखिएको कोकाकोलाले जनाएको छ।
कोकाकोलाले साथीभाइ तथा परिवारलाई वर्षभरि कुनै पनि उत्सवको समयमा विशेष रुपमा जोडिएर रहनका लागि प्रोत्साहन समेत गर्ने गरेको कम्पनीको दावी छ।
गत वर्ष ‘सेयर अ कोक’ क्याम्पियनको नेपाली भर्सन ‘मन खोलौँ कोकसँग’ ल्याएको थियो। जसको भाव परिवारको सम्वन्धमा केन्द्रित थियो।
यो वर्ष ल्याइएको योजनाले आफ्ना ग्राहकलाई मन परेको व्यक्तिसँग भावना बाँड्न प्रोत्साहन गर्ने कोकाकोलाको भनाइ छ। ‘चाडपर्वलाई अझ बढी उत्साहपूर्ण बनाउन यो क्याम्पेन थालेका हौँ’ कोकाकोलाका कन्ट्री डाइरेक्टर अम्बुज सिंहले भने।
कोकाकोलाको बोतलमा ग्राहकले माया, साथ, मित्रता, मिलन, श्रद्धा आदि पाउनेछन्। त्यसले परिवार तथा साथीहरुसँग भावनाहरु साटासाट गर्न सघाउने कम्पनीको भनाइ छ।
बोटलर्स नेपालका प्रवन्ध निर्देशक प्रदिप पाण्डेले ‘सयौं सम्वन्धका कयौं भावना’ ट्यागलाइन मात्रै नभई आफ्ना भावनालाई प्रस्तुत गर्ने तरिका पनि रहेको उल्लेख गरे।
‘सम्वन्धहरु बलियो बनाउन यी लेबलले अझ सहयोग पुर्याउनेछ भन्नेमा हामी विश्वस्त छौँ’ उनले भने।
क्याम्पेनमा प्रियंका कार्कीले आफ्ना चालकलाई ‘सधै सहयोगी हात बढाएकोमा’ लेखिएको बोतल दिन्छिन् भने स्वस्तिमा खड्काले आफ्नो श्रीमान निश्चललाई कोकको ‘निश्चल मायाका लागि’ तथा निश्चलले ‘सुखदुखको साथको लागि’ भन्ने लेबल भएको कोक दिन्छन्।
त्यस्तै कुटुम्बका ब्यान्ड मेम्बरले एक अर्कालाई ‘अटुट साथको लागि, नदेखिने हौसलाको लागि, सधै खुसी रहेकोमा, रमाइला ति जमघटका लागि, चुलबुले मित्रताका लागि, तिमी छौ, हाँसो छ’जस्ता लेबल भएका कोक बाँडेका छन्।
तस्वीरहरुः नारायण महर्जन/सेतोपाटी
