स्वतन्त्र निर्माण कालिगढ संघको प्रथम साधारण सभा सम्पन्न भएको छ। जगदम्बा स्टिल्स् तथा रिद्धि सिद्धि सिमेन्टका आनन्द नेपालको प्रमुख आथित्यमा उक्त कार्यक्रम सम्पन्न भएको हो।
सभामा प्रमुख अतिथिले जगदम्बा स्टिल्स्बाट उत्पादित राइनो ५०० डि स्टिल्स् बारे जानकारी गराए। अतिथि रिद्धि सिद्धि सिमेन्टका महाप्रबन्धक मुकुन्द घिमिरेले रिद्धि सिद्धि सिमेन्टको गुणस्तर तथा यसको उत्पादनमा प्रयोग हुने नवीनतम प्रविधिको बारेमा जानकारी गराए।
संघका सचिव राम कृष्ण बखुछेले प्रगति प्रतिवेदन तथा कोषाध्यक्ष सत्यराम सकुभुटले आर्थिक प्रतिवेदन प्रस्तुत गरे। संघका अध्यक्ष रामशरण वरुवालको नेतृत्वमा सम्पन्न उक्त कार्यक्रमको सञ्चालन संघ उपाध्यक्ष आरजु पाण्डेले गरेकी थिइन्। सभाबाट नयाँ कार्य समिति चयन भएको छ।
