सरकारले महिला उद्यमशिलता प्रबद्र्धनको लागि सहुलियत ऋण दिने भएको छ। यो वर्षको बजेटमा महिला उद्यमशिलता प्रबद्र्धन कार्यक्रममा आएको सहुलियत ऋण कार्यक्रम आजदेखि लागू भएको हो।
अर्थ मन्त्रालयले आजदेखि लागू हुनेगरी ल्याएको सहुलियतपुर्ण कर्जाका लागि एकिकृत ब्याज अनुदान कार्यविधिले महिला उद्यमीलाई दिइने ऋण, धितो र ब्याज अनुदानको व्यवस्था गरेको छ।
कार्यविधिअनुसार १८ वर्ष पुरा भएको महिलाले व्यक्तीगत वा सामूहिकरुपमा व्यवसाय गर्न चाहेमा १५ लाख रुपैयाँसम्म परियोजना धितोमा राखेर ऋण पाउने छन्। त्यसरी पाइने ऋणको ब्याजमा ६ प्रतिशत सरकारले तिरिदिने छ भने बाँकी ऋणी आफैले तिर्नुपर्ने छ।
यसरी ऋण लिनकाे लागि दर्ता भएकाे परियाेजनाकाे विवरण, स्थायी लेखा नम्बर, संचालकहरुकाे विवरणसहितकाे कागजपत्र पेश गर्नुपर्छ।
बैंक तथा वित्तीय संस्थामा ऋणकाे लागि अावेदन दिएपछि २१ दिनभित्र ऋण स्वीकृत हुनुपर्छ। यदि नभएमा कारणसहित अावेदकलाइ बैंकले जानकारी गराउनुपर्ने व्यवस्था रहेकाे छ।