काठमाडौं उपत्यकाको मूल्यबृद्धि सबैभन्दा कम देखिएको छ।
नेपाल राष्ट्र बैंकका अनुसार क्षेत्रगत रुपमा हेर्दा गत वर्षको साउनदेखि जेठसम्म काठमाडौं उपत्यकाको मूल्यबृद्धि जम्मा ३. १ प्रतिशत छ।
सबैभन्दा धेरै मूल्यबृद्धि हिमाली क्षेत्रमा रहेको बैंकले औंल्याएको छ। सोही ११ महिनाको अवधिमा हिमाली क्षेत्रमा ६.४ प्रतिशत मूल्य वृद्धि देखिएको छ। त्यस्तै पहाडी क्षेत्रमा ४.९ र तराईमा ४.२ प्रतिशतले मूल्य बृद्धि भएको राष्ट्र बैंकले औंल्याएको छ।
समग्रमा सो अवधिको मूल्यबृद्धि ४.१ प्रतिशत कायम भएको छ। खाद्यान्नको मूल्यबृद्धि ३ प्रतिशत छ भने गैह्र खाद्यको मूल्यबृद्धि ५ प्रतिशत रहेको छ। खाद्यान्नतर्फ फलफूलको मूल्यबृद्धि सबैभन्दा उच्च ११.४ प्रतिशत छ।
